Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
28.07.2016

КАРМАНАНИНГ БЕҚИЁС САЛОҲИЯТИ ВА ИМКОНИЯТЛАРИ

Навоий вилоятининг Кармана тумани истиқлол шарофати билан қайта туғилди. Мустақиллик Карманага янгича руҳ олиб кирди. Одамларига эса янги ҳаётни ҳадя этди. Ушбу туман ҳақида гап кетганда, аввало, Президентимизнинг махсус фармони билан ташкил этилган Навоий эркин-индустриал — иқтисодий зонаси кўз ўнгингизда гавдаланади. Унинг ҳудуди бир пайт­лар яйловдан иборат бўлган. Ўша Маликчўл ҳозир саноат марказига айланди. Бугун бу ердаги 22 қўшма корхонада минг­лаб навоий­лик ёшлар меҳнат қилаяпти. Уларнинг кўпчилиги касб-ҳунар коллежларини битирган йигит-қизлар.

Уларнинг қўли билан жаҳон андозаларига мос маҳсулотлар тайёрланмоқда. Жанубий Корея, Ҳиндистон, Хитой, Сингапур каби ўндан зиёд давлатлар иштирокидаги қўшма корхоналарда автомобиллар учун газ баллонлари, эҳтиёт ва бутловчи қисмлар, юқори кучланишга чидамли электр кабеллар, аёллар ва болалар гигиеник воситалари, пардоз маҳсулотлари, полиэтилен ва полипропилен қувурлар, планшет, мобиль ва стационар телефонлар ишлаб чиқарилмоқда. Ушбу маҳсулотлар Россия, Қозоғистон, Ҳиндистон, Индонезия, Туркманистон сингари давлатларга экспорт қилинмоқда.

Туманда замонавий иншоотлар, таълим ва тиббиёт масканлари, савдо ва хизмат кўрсатиш, замон талабларига мос келувчи меҳмонхоналар барпо этилди. Пастқам, кўримсиз уйлар ўрнини замонавий турар-жойлар эгаллади. Дарвоқе, шу давргача туман марказида 3 та «Камолот» уйи барпо этилди. Жорий йилда яна ҳар бири 32 хонадонли 4 уй қурилиши режалаштирилган. Ҳар соҳада фаол, ташаббускор ёшлар ўз уйларига эга бўлганликларидан мамнун.

— 2012 йилда ЎзХДП ташаббуси билан ўтказилган «Ёш сиёсатчи» кўрик танловининг Республика босқичида иштирок этиб, 3-ўринни қўлга киритган эдим, — дейди янги хонадон соҳиби Рустам Ҳайитов. — Мана шу ютуғимни инобатга олган ҳолда менга «Камолот» уйларидан бирини беришди. Уйимиз шинам, барча қулайликлар яратилган. Биз юксак ишончни оқлаш учун астойдил меҳнат қиламиз.

Ўтган йили туманда 488 намунавий лойиҳа асосидаги уйлар ўз эгаларига топширилди. Жорий йилда ҳам бундай эзгу иш давом эттирилмоқда. Йил охиригача 639 оила уй тўйини нишонлайди.

Туманда ички йўлларни асфальтлаш, аҳолини тоза ичимлик суви, табиий газ билан таъминлашга алоҳида эътибор қаратилган. Навоий шаҳри билан боғловчи йўлнинг икки тарафида замонавий супермаркет, тўйхона, ошхоналар қурилди. Ёритиш чироқлари ўрнатилди.

Болалар мусиқа ва санъат мактаби, спорт иншоотлари болажонлар билан доимо гавжум. Бу ерда юксак маънавиятли, жисмонан соғлом авлод вояга етмоқда.

Бугун Карманада ким билан суҳбатлашманг, тили-ю дилида шукроналик. Кексалар дуода, ёшлар эса улкан марраларни кўзлаган ҳолда яшамоқда, меҳнат қилмоқда.

 

Илҳом САТТОРОВ,

«Ўзбекистон овози» мухбири.



DB query error.
Please try later.