Охирги сонда



Кўп ўқилган мақолалар



Долзарб мавзу



Мақолалар архиви

«    Mart 2017   
Du Se Cho Pa Ju Sha Ya
27 28 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2
16.07.2016

МУРОЖААТ ВА ИЗЛАНИШЛАР

Мамлакатимизда тобора чуқурлашиб бораётган парламент ислоҳотларининг мазмун-моҳиятидан келиб чиқиб, шунинг­дек, кўп минг сонли партиямиз аъзолари, газетхонларимиз таклиф-мулоҳазаларини инобатга олиб, «Парламент аъзолари минбари» деб номланган рукн ташкил этдик. Ушбу рукн остида Олий Мажлис Сенати аъзолари, Қонунчилик палатаси депутатларининг мамлакатимиз ижтимоий-иқтисодий, сиёсий-ҳуқуқий тараққиёти билан боғлиқ масалалардаги фикр-мулоҳазаларини бериб боришни ният қилдик.

Абдуғаффор ҚИРҒИЗБОЕВ, Олий Мажлис Қонунчилик палатаси депутати, Ўзбекистон ХДП фракцияси аъзоси:

– 49-Янгиқўрғон округида бў­либ, Наманган вилоятининг Янгиқўрғон ва Чортоқ туманларида сайловчилар билан нав­батдаги учрашувларни ўтказдим. Ўн кун давомида туманлардаги маҳаллаларда, фермер хўжаликларида, ишлаб чиқариш корхоналари, соғлиқни сақлаш, таълим муассасаларида бўлиб, одамлар билан қизғин мулоқотлар, суҳбатларда иштирок этдим.

Учрашувларда парламент томонидан қабул қилинган қонунлар, тайёрланаётган қонун лойиҳалари ва уларнинг аҳамия­ти хусусида, мамлакатимиз ички ва таш­қи сиёсатида содир бўлаётган муҳим воқеалар, айниқса, яқиндагина бўлиб ўтган Шанхай Ҳамкорлик Ташкилотининг Тошкент саммити якунлари ва унда кўриб чиқилган муҳим масалалар хусусида фикр алмашилди.

Хитойлик мутахассислар иштирокида бунёд этилган Қамчиқ довонидан ўтувчи Ангрен-Поп темир йўлининг ишга туширилиши, мазкур темир йўлнинг Фарғона водийсини пойтахтимиз ва республикамизнинг бошқа минтақалари билан боғлашдаги аҳамияти ҳақида батафсил тушунча берилди. Сайловчилар ўз чиқишларида халқимиз фаровонлигини ошириш ниятида амалга оширилаётган улкан ишларга, ғамхўрликка юқори баҳо берди.

Янгиқўрғон туманидаги Заркент, ­Нанай, Қораполвон қишлоқларидаги учрашувларда сайловчилар пластик карточкалар орқали савдо қилишдаги айрим муаммоларни, ички йўлларни таъмирлаш масаласини кўтарган бўлса, Чортоқ туманидаги Ҳазратшоҳ, Боғистон қишлоқ фуқаролар йиғинларидаги учрашувларда ерларнинг мелиоратив ҳолатини яхшилаш, янги иш ўринлари яратиш бўйича таклифлар билдирилди. Мазкур тумандаги Алихон қишлоғи аҳолиси эса коллеж битирувчиларини ўз мутахассислиги бўйича ишга жойлаштириш билан боғлиқ масалаларга эътибор қаратиш лозимлигини айтди.

Учрашувлар давомида сайловчилар томонидан кўтарилган айрим ижтимоий масалалар кўриб чиқиш ва бартараф қилиш учун туман ва вилоят ҳокимликларига тақдим этилди. Айрим масалалар бўйича берилган саволларни турли вазирлик ва идораларга юборишга келишиб олинди.

Депутатнинг вазифаси сайловчилар мурожаатларини у ёки бу ташкилотга маълум қилиш билан якунига етмайди, албатта. Шунинг учун учрашувларда кўтарилган масалалар ҳал бўлиши учун ҳамма имкониятларни ишга солишимиз, елиб-югуришимиз зарур.

Умуман, учрашувлар кўтаринки руҳда ўтди. Энг асосийси, долзарб ижтимоий масалалар янада чуқур ўрганилди, халқ депутатлари маҳаллий Кенгашларидаги партиямиз гуруҳлари билан учрашувлар ўтказилди. Маҳаллий ижро ҳокимияти вакиллари депутатлар билан биргаликда аҳоли кайфияти билан яқиндан танишди. Бундай учрашувларнинг ташкил этилиши ана шу жиҳатлари билан долзарб аҳамият­га эга, деб ўйлайман.


Фикр ва мулохазалар

Защита от автоматических сообщений

Сўнгги янгиликлар: