Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
14.07.2016

КЕЛАЖАК БИЗНИКИ, МАРРА БИЗНИКИ

Андижонда ёшлар форуми бўлиб ўтди. ЎзХДП Андижон вилоят кенгаши «Истиқбол» ёшлар қаноти ташаббуси билан «Баркамол авлод» болалар ижодиёт марказида ташкил этилган ушбу тадбир ёш авлод вакилларининг асарлари намуналари билан янада файз­га тўлди. Кимдир рассомлик маҳорати билан юртимиз гўзаллигини кўз-кўз қилса, яна кимдир миллий ҳунармандчилик орқали аждодлар меросини тиклашга ҳисса қўшганига гувоҳ бўласиз. Муҳими, ҳар бир асарда истиқлол берган неъматлар акс этган, Ватанга муҳаббат ҳислари ифодаланган.

— Бугун ёшларни кўриб, болалигимни, ўтмишни хотирладим, — деди вилоят партия кенгаши раиси, халқ депутатлари вилоят Кенгашидаги ЎзХДП гуруҳи раҳбари Абдул­ҳамид ­Нурматов. — У вақтлар билан ҳозирги даврни асло таққослаб бўлмайди. Чунки улар ўртасида осмон билан ерча фарқ бор. Биз таҳсил олган бинолар истиқлол мактаблари олдида ғарибона кулбадек кўринади. Пахса деворлар, тупроқ кўчаларда чанг ютиб юрганимиз, қиров босган пахта кўсакларини чувиганимизни айтиб берсам, набираларим эртак эшитгандек тинг­лашади. Энди у кунлар ўтмишда қолди. Аммо инсон шаъни топталган, қадри оёқости қилинган машъум даврни асло унутмаслигимиз керак. Айниқса, ёшларга бу ҳақда бот-бот эслатиб, «Кеча ким эдигу бугун ким бўлдик?» деган саволга тўғри ва ҳаққоний жавоб беришимиз керак.

— Президентимиз таъбири билан айтганда, бугун ҳамюртларимиз қалбида шу азиз юрт менинг Ватаним, унинг истиқлоли менинг, фарзандларимнинг ёрқин келажагидир, деган фикру ўй билан яшаяпти, — деди халқ депутатлари Андижон шаҳар Кенгаши депутати, вилоят партия кенгаши сектор мудири Ихтиёр Аминов. — Ўйлайманки, мана шундай тадбирлар жамиятда ёшлар фаоллигини янада ошириш, уларнинг мамлакат тараққиётида ўзига хос ўринга, мавқега эга эканини анг­латишга хизмат қилади.

Форум доирасида ташкил этилган тадбирлар, куй-қўшиқлар, Ватанни улуғловчи шеърлар барчага кўтаринкилик, қувонч улашди. Айниқса, вилоятдаги «Болалар шаҳарчаси» тарбияланувчилари ҳамда 18-умумтаълим мактаби ўқувчилари намойиш этган мусиқий чиқишлар йиғилганлар олқишига сазовор бўлди.

Форум якунида фаол иштирокчилар, ўқувчи ва ҳунарманд­ларга ташаккурномалар, эсдалик совғалари топширилди.

 

Зилола УБАЙДУЛЛАЕВА



DB query error.
Please try later.