Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
12.07.2016

ПОРТУГАЛИЯ — ЕВРОПА ЧЕМПИОНИ!

Францияда футбол бўйича XV Европа чемпионати якунланди.

Финалда Португалия — Франция терма жамоалари ўзаро куч синашди. Учрашув кутилганидан-да кескин ва шиддатли бошланди. 17-дақиқада мезбонлар вакили Димитри Пайет билан португалияликлар сардори Криштиано Роналду тўқнашиб кетди. Орадан тўққиз дақиқа ўтгач, жиддий жароҳатланган Роналду кўзда ёш билан майдонни тарк этишга мажбур бўлди.

Аксарият мухлислар бу ҳол Франция терма жамоасининг осон ғалаба қозонишига замин яратишини тахмин қилишганди. Аммо португалияликлар майдонда ишонч билан ҳаракат қилишди. Ўйиннинг асосий бўлимларида ҳисоб очилмади. Натижада жамоалар ғолиб номини аниқлаш учун яна 15 дақиқадан икки бўлим майдонда тўп суришди. Учрашувнинг 109-дақиқасида португалиялик Эдер ҳисобни очди — 1:0. Қолган дақиқаларда ҳисоб ўзгармади ва Португалия терма жамоаси ўз тарихида илк маротаба Европа чемпиони, деган шарафли унвонни қўлга киритди.

Бунгача Португалия футболчилари 1966 йилда жаҳон чемпионатида бронза, 2004 йилги Европа чемпионатида кумуш медалга сазовор бўлишганди.

Маълумот ўрнида таъкидлаш керакки, бир ой давомида Франция яшил майдонларида ўтган қитъа чемпионати финал босқичида жами 51 учрашув ўтказилди. Ўнта шаҳарда ўтган ўйинларни стадионларнинг ўзида 2351435 томошабин тўғридан-тўғри кузатиб борди.

Франция терма жамоаси ҳужумчиси Антуан Гризман еттита учрашувда олти бор рақиблари дарвозасини ишғол этди ва тўпурарлар баҳсида ғолибликни қўлга киритди.

Мусобақада Германия ҳамда Уэльс футболчилари бронза медаллари билан тақдирландилар.

 

Эркин ХОЛБОБО,

«Ўзбекистон овози» мухбири.



DB query error.
Please try later.