25.06.2016

2016/2017 ЎҚУВ ЙИЛИДА

янги 18 бакалавриат йўналишларига қабул квоталари шакллантирилди

Янги киритилаётган бакалавриат йўналишлари ва магистратура мутахассисликлари бўйича ўқув режалари ва дастурлари 1 августга қадар ишлаб чиқилади.

«2016/2017 ўқув йилида Ўзбекистон Республикасининг олий таълим муассасаларига ўқишга қабул қилиш тўғрисида»ги қарорга мувофиқ, янги ўқув йили учун 57 907 нафар бакалавр, шу жумладан, давлат грантлари бўйича — 19 120 ва тўлов-контракт асосида — 38 787 нафар талаба қабул қилинади.

Магистратура мутахассисликларига 5 000 нафар, шу жумладан, давлат грантлари бўйича — 1 548 ва тўлов-контракт асосида — 3 452 нафар талаба қабул қилинади.

Тошкент кимё-технология институти (Қўнғирот бўлими)нинг махсус сиртқи бўлимида бакалаврларни тайёрлаш давлат грантлари бўйича 65 нафар ва Тошкент ахборот технологиялар университетининг махсус сиртқи бўлимида – 50 нафар, шу жумладан, давлат грантлари бўйича 15 нафар ва тўлов-контракт асосида – 35 нафар қабул қилиш умумий квоталари белгиланган.

Иқтисодиёт тармоқлари ва секторларини олий маълумотли мутахассислар билан таъминлаш мақсадида 2016/2017 ўқув йилида янги 18 бакалавриат йўналишлари, 14 магистратура мутахассисликларига қабул квоталари шакл­лантирилди.

Янги киритилаётган бакалавриат йўналишлари ва магистратура мутахассисликлари бўйича ўқув режалари ва дастурларни шу йилнинг 1 августига қадар ишлаб чиқиб, тасдиқлаш вазифаси белгиланган, деб хабар беради Олий ва ўрта махсус таълим вазирлигининг матбуот хизмати.



DB query error.
Please try later.