Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
21.06.2016

МАКТАБ ОРОМГОҲЛАРИ

Тошкент шаҳар ҳокимлигида ёзги таътил вақтида оромгоҳларга жалб этилмаган ўқувчиларнинг бўш вақтини мазмунли ўтказиш масалаларига бағишланган матбуот анжумани бўлиб ўтди. Унда шаҳар ҳокимлиги матбуот хизмати раҳбари Ҳусан Эрматов оммавий ахборот воситалари вакилларига жорий йилда пойтахт туманларида барча шароитларга эга бўлган 36 мактаб қошидаги кундузги оромгоҳлар мавсумга тайёр ҳолатга келтирилгани ҳақида ахборот берди.

Оромгоҳга жалб этилмаган ўқувчи ёшларни 200 дан зиёд турли хил қизиқарли спорт мусобақаларига жалб этиш мақсадида манзилли дастур ишлаб чиқилган бўлиб, уларга 28347 нафар ўқувчи қамраб олиниши белгиланган. Ёзги таътил пайтида таълим муассасаларида ташкил этилган тўгараклар ҳамда яратилган шароитлар тўғрисида ҳар бир маҳалла идораси эълонлар тахтасига осиб қўйилади.

Мактаблар қошида ташкил этилган бундай оромгоҳлар фаолияти 5 августгача давом этади. Тўрт мавсум мобайнида шанба, якшанба кунларидан ташқари фаолият кўрсатадиган ушбу оромгоҳларда 16000 нафар ўқувчи дам олиши режалаштирилган бўлиб, ҳар бир оромгоҳда 8-12 тагача спорт ҳамда чет тили тўгараклари ташкил этилди.

Ёзги ўқув амалий машғулотлар даврида 228 мактаб қошида спорт-соғломлаштириш майдончаларидаги 2033 спорт секцияларига 40 мингдан зиёд ўқувчи қамраб олинади. Уларда душанба — жума кунлари 1-6 синф ўқувчилари 8:30 дан 12:00 гача, 7-8 синф ўқувчилари 14:30 дан 17:00 гача шуғулланади.

«Китоб олами» савдо мажмуи билан ҳамкорликда бир қатор интеллектуал ўйин ва тадбирлар ўтказиш ҳам дастур доирасидан ўрин олган.

Ёзги таътил даврида овқатланиш учун тузилган таомномага алоҳида эътибор қаратилган бўлиб, санитария-эпидемиология вакиллари томонидан тақдим этилган таомнома бўйича болаларнинг кунлик овқатланиш рациони белгиланган тартибда бериб борилади.

Ёзги оромгоҳларга нафақат Тошкент шаҳри, балки республиканинг бошқа ҳудудларидан ҳам ўқувчилар жалб қилиниши режалаштирилган. Қорақалпоғистон Республикасидан келган 350 нафар ўқувчи Тошкент темир йўл вокзалида кутиб олиниб, оромгоҳларга жойлаштирилди.

Мавсум мобайнида оромгоҳларда жами 43 мингдан зиёд ўқувчи ёшларни соғломлаштириш режалаштирилган.

Тадбир якунида журналистлар ўзларини қизиқтирган саволларга атрофлича жавоб олдилар.

 

Охунжон ХУШВАҚТОВ



DB query error.
Please try later.