21.06.2016

БОШЛАНҒИЧ ТАШКИЛОТЛАР ФАОЛИЯТИ

ҳамиша долзарб масала бўлиб қолаверади

Бугун партия тизимида бошланғич ташкилотлар билан ишлаш, фаолиятини янада кучай­ти­риш масаласига қай даражада эътибор қаратилаяпти? Уларнинг фаолиятини такомиллаштириш учун нималар талаб қилинади?

ЎзХДП Марказий Кенгаши бошлан­ғич партия ташкилотлари билан ­ишлаш сектори ходими Хуршид ­Ҳасановга шундай саволлар билан мурожаат қилдик.

— Аҳолининг муайян қатлами манфаатларини самарали ҳимоя қилиш қатор омилларга боғлиқ. Айниқса, партиямиз тизимидаги бошланғич партия ташкилотлари муҳим ўрин тутади. Ҳеч шуб­ҳасиз, улар фаолиятини кучайтириш орқали сиё­сий партия ўз дастурий мақсадларини самарали амалга оширади.

Айни кунда ЎзХДПнинг 9933 бошлан­ғич ташкилоти фаолият юритмоқда. Уларнинг зиммасига юкланаётган вазифалар кў­лами кенг албатта.

ЎзХДП Марказий Кенгаши томонидан бошланғич партия ташкилотлари фаолиятини янада такомиллаштириш учун бир қатор меъёрий асослар, услубий қўлланмалар ишлаб чиқилган. Хусусан, «ЎзХДП бошлан­ғич ташкилотлари фаолиятини янада такомиллаштириш тўғрисида»ги қарори ижроси устидан мунтазам назорат олиб борилмоқда.

Шунингдек, бошланғич ташкилотлар фаолиятини таҳлилий ўрганиб борамиз, яхши фаолият юритаётган қуйи бўғинлар тажрибасини оммалаштиришга ҳаракат қиляпмиз. Энг муҳими, маҳаллий партия кенгашлари қуйи бўғин ишини тизимли ташкил этиш, етакчилар салоҳиятини ошириш борасида муайян натижаларга эришмоқда.

Ҳар ойнинг охирги шанбаси «Бошлан­ғич ташкилотлар куни», деб белгиланган. Шу куни туман партия кенгаши раиси, раис ўринбосари, кенгашнинг бошқа масъул ходимларини, халқ депутатлари туман Кенгашидаги депутатларимизни изласангиз, бошланғич ташкилотлардан топасиз. Партия фаоллари бевосита қуйи бўғинга бориб, етакчилар фаолиятини самарали ташкил этиш мақсадида уларга услубий, амалий ёрдам кўрсатишади. Шу билан бир қаторда, малакасини оширишга қаратилган турли тадбирлар ўтказишади.

Сўнгги вақтларда турли семинарлар, давра суҳбатлари, сиёсий ва фуқаролик маърифати тизимидаги ўқувларни бош­лан­ғич партия ташкилотларида ўтказишга алоҳида эътибор қаратяпмиз.

Ўз ишини замон талабларига мувофиқ тарзда олиб бораётган бошланғич партия ташкилотлари ҳақида гап кетганда, Андижон, ­Тошкент вилоятлари ва Тошкент шаҳридаги БПТлар фаолиятини мисол сифатида кўрсатиш мумкин.

Аммо ҳамма жойда ҳам аҳвол бир хил эмас. Мисол учун, партиямизнинг ­айрим минтақавий кенгашлари бошланғич ташкилотлар билан мустаҳкам алоқани йўлга қўймаган.

Тажриба шуни кўрсатмоқдаки, туман партия кенгашлари, тафтиш комиссияси, тар­ғибот гуруҳи, халқ депутатлари туман, шаҳар, вилоят Кенгашидаги ЎзХДП гуруҳлари бошланғич ташкилотлар билан яқин алоқа ўрнатиши зарур. Бу бошланғич ташкилотлар ишини мувофиқлаштиришда муҳим аҳамиятга эга. Шунинг билан бирга, қуйи бўғин етакчилигига дунёқараши кенг, мустақил фикрлайдиган, жамоатчилик билан ишлаш ва ташкилотчилик қобилияти юқори, одамларни ўз ортидан эргаштира оладиган кишиларни сайлаш керак.

Ҳудудлардаги электоратимизни ўйлантираётган айрим муаммоларни барча даражадаги депутатларнинг ҳамда бошланғич партия ташкилотларининг куч ва имкониятларини бирлаштириш орқали ечиш мумкин. Буни биздан замоннинг ўзи талаб этмоқда.

 

«Ўзбекистон овози» мухбири

Лазиза ШЕРОВА

ёзиб олди.



DB query error.
Please try later.