Охирги сонда



Кўп ўқилган мақолалар



Долзарб мавзу



Мақолалар архиви

«    Oktabr 2019   
Du Se Cho Pa Ju Sha Ya
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3
14.06.2016

ДЕПУТАТ ФИДОЙИ БЎЛИШИ КЕРАК

Улуғбек СОБИРОВ, халқ депутатлари Бухоро вилоят Кенгашидаги ЎзХДП гуруҳи аъзоси:

— Одамлар депутатликка номзодга овоз берар экан, нафақат унинг ўзини қўллаб-қувватлайди, балки ортида турган сиёсий партияга ҳам ишонч билдиради.

Маҳаллий Кенгашларга партиямиздан сайланган депутатларнинг кўп­чилиги бугун ўз зиммасидаги вазифаларни сид­қидилдан бажариб, сайловчилар ишончини оқлаяпти. Бир мисол. Шу йилнинг ўтган беш ойи давомида халқ депутатлари ви­лоят, туман ва шаҳар Кенгашларидаги партиямиз гуруҳлари томонидан оналар ва болалар саломатлигини муҳофаза қилиш, «Дори воситалари ва фармацевтика фаолияти тўғрисида»ги Қонун ­доирасида барча турдаги дорихоналар томонидан аҳолига кўрсатилаётган хизматларнинг аҳволи, ижтимоий ҳимояга муҳтож оилалар фарзандлари, айниқса, қиз болаларнинг спорт билан шуғулланиши учун яратилган шарт-ша­роитлар чуқур ўрганилиб, доимий комиссия ва сессиялар кун тартибига киритилди. Шунингдек, Жамоатчилик қабулхоналарига тушган мурожаатларда кўтарилган муаммоларни ҳал этишда уларнинг иштироки сезиларли даражада кучайгани ҳам фикримиз исботидир.

Бироқ мамлакатимизда демократик жараёнларнинг чуқурлашиб бораётгани ўз фаолиятимизни танқидий баҳолаб, хулоса чиқариб олишимизни тақозо этади.

Тўғрисини айтганда, депутатларимиз орасида ўз бурчига юзаки ёндашаётганлари ҳам учрамоқда. Фақат сессияларда иштирок этиш билан «депутатлик вазифамни адо этдим», деб ўйлаётган депутатларимиз ҳам йўқ эмас. Партия томонидан ўтказиладиган ижтимоий-сиёсий тадбирларда уларни учратиш қийин. Айрим маҳаллий Кенгашлардаги партия гуруҳлари эса ўтган даврда қайси масалани ўрганиб, сессия кун тартибига олиб чиққанини айтишга қийналади. Ваҳоланки, айнан ўша ҳудудда партиямиз электоратини ташвишга солаётган муаммолар бор.

Менимча, депутатлар фаолиятини кучайтириш учун, аввало, уларнинг сайлов округидаги ишларини жонлантириш керак. Депутат ўз сайловчилари билан қандай ишлаётгани, улар кўтараётган масалаларни ҳал этиш бўйича қандай ташаббуслар билан чиқаётгани партия кенгашларининг назоратида туриши зарур, деб ҳисоблайман. Шунингдек, кўчма Жамоатчилик қа­бул­хоналарини кўпроқ ташкил этиш ва унда депутатларнинг фаол иштирокини таъминлашга эришиш керак. Чунки шу орқали депутатлар жойларда учраётган муаммолардан яхшироқ хабардор бўлади, масалаларни аҳо­лининг ўзидан эшитади, одамлар билан бевосита мулоқот юзага келади.


Фикр ва мулохазалар

Защита от автоматических сообщений

Сўнгги янгиликлар: