Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
11.06.2016

АНДИЖОННИНГ ЯНГИ ҚЎҒИРЧОҚ ТЕАТРИ

Андижон шаҳрида миллий ва замонавий меъморчилик анъаналари асосида бунёд этилган вилоят қўғир­чоқ театрининг янги биноси фойдаланишга топширилди.

Ушбу маданият ва маърифат маскани Халқаро болаларни ҳимоя қилиш кунида кичкинтойларга муносиб туҳфа бўлди.

Муҳташам кошонанинг очилиш маросимида иштирок этган Андижон вилояти ҳокими Шуҳратбек ­Абдураҳмонов, Республика маданият ва спорт иш­лари вазири Баҳодир ­Аҳмедов, Ўзбекистон халқ артист­лари Эркин Комилов, ­Мирза Азизов ва бош­қалар ушбу қўғирчоқ театри жажжи фарзандларимизни маънавияти юксак инсонлар этиб тарбиялашга хизмат қилажагини таъкидлашди.

Болажонларни бағрига олган қўғирчоқ театри ­«Бунёдграндсервис» масъулияти чекланган жамияти қурувчилари томонидан қурилди. Бинонинг биринчи қаватида 300 ўринли томоша ва машғулот заллари, санъаткорлар учун хизмат хоналари, қўғирчоқлар тайёрлашга мўлжалланган устахоналар, музей, тикув цехи, тиббиёт маскани ўрин олган. Иккинчи қа­ватда эса хореог­рафия зали ва драма тўгараклари маркази фаолияти йўлга қўйилган.

Театр биносининг олд тарафидаги майдонга аттракционлар ўрнатилди. Бир гектардан иборат театрнинг теварак-атрофи кўкаламзорлаштирилиб, обод қилинди. Ушбу мақсадлар учун давлат бюджети ҳисобидан 8 миллиарддан зиёд маблағ сарф­ланди.

— Театрдаги шароитни кўриб қувондим, — ­дейди Ўзбекистонда хизмат кўрсатган артист ­Шомурод Юсупов. — Янги санъат даргоҳи барча саҳнавий ва техник талабларга жавоб бериши менга маъқул бўлди. Энг муҳими, бу ерда дунё қўғирчоқ театри санъатининг беш жанрдаги спектаклларини намойиш этиш учун шароит яратилган.

Шу куни Ватанимиз мустақиллиги, тинчлик, дўстлик, миллий қадриятларни тараннум этиш, бадиий жамоалар ҳамкорлигини мустаҳкамлаш, ёш тамошабинларга қўғирчоқ театри санъатининг энг мукаммал намуналарини ҳавола қилиш мақсадида ўтказиб келинаётган Ўзбекистон қўғирчоқ ­театрларининг Х анъанавий республика кўрик-фестивали очилди. Унда Фар­ғона қўғирчоқ театри жамоаси томонидан саҳналаштирилган «Самоларда учган аллома» спектакли намойиш этилди.

 

Аҳмадилло СОЛИЕВ,

«Ўзбекистон овози» мухбири.



DB query error.
Please try later.