Охирги сонда



Кўп ўқилган мақолалар



Долзарб мавзу



Мақолалар архиви

«    Mart 2017   
Du Se Cho Pa Ju Sha Ya
27 28 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2
11.06.2016

АХБОРОТ-КОММУНИКАЦИЯ СОҲАСИ ЖАДАЛ РИВОЖЛАНМОҚДА

Олий Мажлис Қонунчилик палатасининг Ахборот ва коммуникация технологиялари масалалари қўмитаси томонидан «Давлат бошқарувини модернизациялаш ва жамиятни демократлаштиришда замонавий ахборот коммуникация технологияларининг роли» мавзусида давра суҳбати ташкил этилди.

Унда парламент қуйи палатасининг депутатлари, давлат ҳокимияти ва бошқаруви органлари раҳбарлари ва ходимлари, ахборот-коммуникация соҳаси мутахассислари, нодавлат нотижорат ташкилотлар, фуқаролик жамияти институтлари ҳамда оммавий ахборот воситалари вакиллари қатнашди.

Иштирокчилар «электрон ҳукумат» тизимини жорий этишнинг ҳуқуқий ҳолати, замонавий ахборот коммуникация технологияларидан фойдаланган ҳолда давлат бошқарувини модернизациялаш, давлат ва жамият қурилишида замонавий ахборот коммуникация технологияларини жорий этиш борасидаги халқаро тажрибани ўрганиш масалаларини кенг муҳокама этишди.

Таъкидландики, мамлакатимизда ахборотлаштириш соҳасида тизимли ва чуқур ўйланган давлат сиёсати олиб борилмоқда. Бу эса ўз навбатида, миллий ахборот маконини шакллантириш ва ривожлантириш, соҳани ислоҳ қилиш, ахборот ва сўз эркинлигини таъминлаш имкониятини кенгайтирмоқда. «Электрон ҳукумат тўғрисида»ги Қонуннинг қабул қилиниши ва шу асосида бошқа қонун ҳужжатларига киритилган тегишли ўзгартиш ва қўшимчалар тизим фаолиятини кучайтиришда муҳим аҳамият касб этаётгани қайд этилди.

Депутатлар, шунингдек, қонун ижодкорлиги жараёнини демократлаштириш, давлат органларининг норматив-ҳуқуқий ҳужжатлари лойиҳаларини кенг муҳокама қилиш, қонун ҳужжатлари таъсирини баҳолаш тизимида замонавий ахборот коммуникация технологияларидан фойдаланишнинг самарадорлигига алоҳида тўхталиб ўтишди. Мутахассислар фикрига кўра, ушбу тизимнинг Ягона интерактив давлат хизматлари портали негизида технологик жиҳатдан амалиётга татбиқ этилиши норматив ҳуқуқий ҳужжатлар лойиҳаларини тайёрлашда «маъмурий ёндашув»лар билан боғлиқ мавжуд камчиликларни бартараф этиш имкония­тини берди.

— Сўнгги йилларда сон ва сифат кўрсаткичларини яхшилаш давлат ҳокимияти ва бошқаруви органларининг расмий веб-сайтлари фаолиятида ўз аксини топди, — дейди Ахборот ва коммуникация технологиялари масалалари қўмитаси ва ЎзХДП фракцияси аъзоси Нўъмон Акбаров. — Айни пайтда деярли барча давлат идоралари интернет тармоғида ўзларининг веб-сайтларига эга. Улар ёрдамида аҳолига электрон давлат хизматлари кўрсатиш билан бирга ўз ­фаолияти тўғрисида ахборотлар бериб бормоқда. Бу аҳоли ўзига керакли ахборотдан қулай ва тез фурсатларда фойдаланиши, шунингдек, жамоатчилик назорати кучайиши учун қўл келмоқда.

Маълумот ўрнида айтиш керакки, тадбир ташкилотчилари томонидан давра суҳбати натижалари бўйича тўпланган материаллар келгусида қонун ижодкорлиги, давлат бошқарувини модернизациялаш ва жамиятни демократлаштиришда замонавий АКТдан кенг фойдаланиш учун зарур шароит яратишда тегишли давлат органларининг ташкилий, таҳлилий ишларида кенг фойдаланилиши кутилмоқда.

 

Лазиза ШЕРОВА,

«Ўзбекистон овози» мухбири.


Фикр ва мулохазалар

Защита от автоматических сообщений

Сўнгги янгиликлар: