Охирги сонда



Кўп ўқилган мақолалар



Долзарб мавзу



Мақолалар архиви

«    Oktabr 2019   
Du Se Cho Pa Ju Sha Ya
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3
09.06.2016

ДУНЁ БОЛАЛАР НИГОҲИДА

ЎзХДП Булунғур туман кенгаши, тармоқ касаба уюшмаси ҳамда «Баркамол авлод» болалар марказининг туман бўлими ҳамкорлигида 7 ёшдан 14 ёшгача бўлган иқтидорли ўқувчилар ўртасида расмлар кўрик-танлови ўтказилди.

— Танловни икки гуруҳда, 7 ёшдан 12 ёшгача ва 12 ёшдан 14 ёшгача бўлган болалар ўртасида ўтказдик, — дейди ЎзХДП туман кенгаши раиси Бахтиёр Ражабов. — Бу каби тадбирлар ёшлар истеъдодининг шаклланишида, улар қалбида она-Ватанга муҳаббат туйғуси уйғонишида муҳим аҳамият касб этади, деб ўйлаймиз.

— Ҳар бир иштирокчи 4 ижодий иши билан қатнашди, — дейди «Баркамол авлод» болалар маркази туман бўлими раҳбари Баҳодир Ёрбоев. — Болалар асарларида турли миллат вакиллари фарзандларининг иноқлиги, болаликнинг бахтли онлари, давлатимиз мустақиллиги ютуқлари, дунё тинчлиги манзаралари акс этди.

Кўрик-танловда Нилуфар Келдибекова 7-12 ёшлилар ўртасида, Алишер Хўрозов 12-14 ёшлилар ўртасида биринчи ўринга, 2-умумтаълим мактабининг 1-синф ўқувчиси Чарос Мамаражабова ва 40-умумтаълим мактабининг 7-синф ўқувчиси Эгамназар Мамаюсупов иккинчи, 29-умумтаълим мактабининг 3-синф ўқувчиси Диёрбек Ҳайитбоев ва 5-умумтаълим мактабининг 6-синф ўқувчиси Дадахон Жамолов учинчи ўринни эгаллади.

Шунингдек, «Энг нафис ижодкор», «Энг чиройли тинчлик тасаввури», «Энг намунали тасвирий санъат», «Кўргазма дебютидаги энг яхши ижодий иш» каби номинациялар бўйича ҳам ғолиблар аниқланиб, уларга диплом ва эсдалик совғалари топширилди.

 

Абдурасул САТТОРОВ,

«Ўзбекистон овози» мухбири.


Фикр ва мулохазалар

Защита от автоматических сообщений

Сўнгги янгиликлар: