Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
07.06.2016

ҒОЛИБЛАР ЖАҲОН КУБОГИГА ЙЎЛЛАНМА ОЛДИ

Пойтахтимизда эркаклар ва аёллар ўртасида шоҳмот бўйича ўтказилган XV Осиё чемпионати ниҳоясига етди.

Швейцарча тизимда уюштирилган эркаклар ўртасидаги баҳсларда ғолиб номи тўққизинчи турда маълум бўлди. Сўнгги партиялар мухлису мутахассисларга бир қатор кутилмаган натижаларни тақдим этди.

Жумладан, бунгача 6,5 очко билан пешқадам бўлиб турган вьетнамлик Ле Куанг Лием оқ доналарда ўйнаб, кутилмаганда Гангули Шекхар (Ҳиндистон)га имкониятни бой бериб қўйди. Бундан эса ҳиндистонлик хал­қ­аро гроссмейстер Сеттураман унумли фойдаланди. У охирги партия­да хитойлик Ю Вейни енгиб, ўз ҳисобидаги очколар сонини 7 тага етказиб олди ва Осиё чемпиони деган шарафли номни қўлга киритди.

Энди у келаси йили Грузиянинг Ботуми шаҳрида ўтказиладиган Жаҳон кубоги баҳсларида қитъамиз шарафини ҳимоя қилади.

Олти яримтадан очко тўплаган Ле Куанг Лием кумуш, хитойлик Ю Вей бронза медали билан тақдирланди.

Афсуски, 17-жаҳон чемпиони, 1998 йилги Осиё чемпиони Рустам Қосимжонов (2703) эса мусобақада муваффақиятсиз қатнашди. Ҳамюртимиз мусобақада иккинчи рақам остида таснифланган бўлишига қарамай, якунда қўшимча коэффициентларга кўра, 23-ўрин билан кифояланди. У 9 имкониятдан 5,5 очко тўплади.

Шоҳмотчиларимиз орасида энг яхши натижага ёш гроссмейстеримиз Жаҳонгир Воҳидов эришди. У 9 имкониятдан 6 очко тўплаб, кучли ўнликдан жой олди.

Аёллар ўртасида ўтган баҳсларда ҳиндистонлик Бхакти Кулкарни бош совринга сазовор бўлди. У 9 имкониятдан 7 очко жамғариб, Осиё чемпиони деган шарафли номни қўлга киритди.

 Қозоғистонлик Динара Саидваққосова кумуш, Соумия Сваминатан (Ҳиндистон) қўшимча кўрсаткичларга кўра, бронза медали билан тақдирланди.

Мусобақада ҳамюртларимиздан энг яхши натижани Гулруҳбегим Тоҳиржонова қайд этди. Йигирма ёшгача бўлган шоҳмотчилар ўртасида Осиё чемпиони унвони соҳибаси Гулруҳбегим 5,5 очко билан қўшимча коэффициентларга кўра, тўққизинчи поғонадан жой олди. Беш очко тўплаган Баҳора Абдусатторова ўн биринчи ўринни эгаллади.

— Юртингизда бу каби йирик мусобақаларни ўтказиш борасида катта тажриба тўпланганлиги эътиборлидир, — дейди Осиё шоҳмот федерация­си бош котиби Ҳишам ал-Тоҳир. — Унда қитъамизнинг энг кучли гросс­мейстерлари билан бир қаторда ўзбекистонлик жуда кўплаб умидли ва ёш шоҳмотчилар ҳам ғолиблик учун дона сурди. Жуда юқори савияда ташкил этилган ушбу мусобақа ҳар бир иштирокчи учун катта тажриба мактаби вазифасини ўташи шубҳасиз.

Шунингдек, Осиё чемпионати доирасида блиц-шоҳмот бўйича ҳам ғолиблар номи аниқланди. Унда эркаклар ўртасида хитойлик Лу Шанглей 9 имкониятдан 7,5 очко жамғаришга муваффақ бўлди. Вьетнамлик Ле Куанг Лием ҳамда ҳиндистонлик Лалит Бабу бир хил — 7 тадан очко жамғарди ва қўшимча кўрсаткичларга кўра, кумуш ва бронза медаллари билан тақдирланди.

Аёллар ўртасида блиц-шоҳмот бўйича ўтган баҳсларда вьетнамлик Нгуэн Зи Майга тенг келадигани топилмади. У 9 имкониятдан 7,5 очко жамғаришга муваффақ бўлди.

Мусобақада бир хил — 6,5 тадан очко тўплаган ҳиндистонлик Вайшали ҳамда эронлик Атоуса Пуркашиён эса кейинги ўринларни банд этди.

 

Эркин ХОЛБОБО,

«Ўзбекистон овози» мухбири.



DB query error.
Please try later.