07.06.2016

АЪЛОЧИЛАР МАКТАБИ

Шу кунларда мамлакатимиздаги умумтаълим мактабларида 9-синф битирувчиларининг якуний аттестация имтиҳонлари ниҳоясига етмоқда. Улар ҳадемай жонажон мактаб билан хайрлашиб, лицей ва коллежларда ўқишни давом эттиришади.

Юнусобод туманидаги 97-умумтаълим мактаби пойтахтимиздаги намунали ўқув даргоҳларидан бири ҳисобланади. Яқинда бу ерда «Аълочилар байрами» катта тантана билан ўтказилди. Бугун эса битирувчилар яхши билимга эга эканликларини намоён этишмоқда. Улар орасида уч нафари фан олимпиадаси шаҳар босқичи, 11 нафари олимпиаданинг туман босқичи совриндори борлиги ҳам буни тасдиқлайди. Барча кўрсаткичлар бўйича пешқадам бўлган мазкур мактаб ўқувчилари туман миқёсида ўтказилган фан олимпиадаси ва билимлар беллашувлари, ҳуқуқ билимдонлари танловларида биринчи ўринни эгаллашди.

Яқинда мактабда яна бир қувончли воқеа нишонланди. 7-синф ўқувчиси Нажмиддин Жабборов, 6-синф ўқувчиси Диёра Шамсиева «Инглиз тили билимдонлари» кўрик-танловининг республика бос­қичи ғолиби бўлишди.

— Бу ютуқлар, аввало, мактабимизда ўқувчилар чуқур билим олиши учун барча зарур шароитлар яратилганидан. Қолаверса, Муҳайё Мақсудхонова, Камола Одилова, Феруза Кушимова, Мадина Маҳкамова, Нодира Раззоқова, Дилбар Еримбетова, Роҳила Нарзиева каби фидойи ўқитувчиларимиз меҳнати самарасидир, — дейди мактаб директори Мукаррам Салимова.

 

Суратларда: мактаб ҳаётидан лавҳалар.



DB query error.
Please try later.