Охирги сонда



Кўп ўқилган мақолалар



Долзарб мавзу



Мақолалар архиви

«    Oktabr 2019   
Du Se Cho Pa Ju Sha Ya
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3
04.06.2016

ПАРТИЯДОШИМИЗ ТАШАББУСИ БИЛАН

маҳаллада савдо ва маиший хизмат кўрсатиш мажмуаси ойдаланишга топширилди, 13 нафар кишининг бандлиги таъминланди, йил охиригача яна 10 нафар киши янги иш жойларига эга бўлади

Олтинсой туманининг Ҳайрондара маҳалласида истиқомат қилувчи ЎзХДП фаолларидан бири Жўрабек Менгноровнинг жонкуярлиги туфайли яқинда икки қаватли савдо ва маиший хизмат кўрсатиш мажмуаси иш бошлади. Савдо дўконлари, маиший хизмат кўрсатиш шохобчаси, новвойхона, гўзаллик салони ҳамда тикувчилик цехидан иборат мўъжаз масканнинг ишга туширилиши шарофати билан 13 нафар киши ишли бўлди.

— Ҳайрондара Олтинсой тумани марказидан 23, Деновдан эса 16 километр олисда жойлашган, — дейди халқ депутатлари Сурхондарё вилоят Кенгашидаги ЎзХДП гуруҳи аъзоси ­Баҳодир Тоғаев. — Чекка ҳудудда уч минг нафардан ортиқ аҳоли истиқомат қилади. Барча зарур шароитларга эга янги мажмуанинг ишга туширилиши айни муддао бўлди. Партиядошимизнинг хайр­ли ишидан мамнунмиз.

— Изланиш, интилиш ва ташаббус бор жойда тараққиёт бўлади, — суҳбатга қўшилди маҳалла фаоли Маҳмуд Қайнаров. — Яқин-яқингача бу жойлар ташландиқ ҳудуд эди. Эндиликда обод масканга айланди. Қолаверса, бир гуруҳ маҳалладошларимиз иш билан таъминланди.

— Яқин кунларда компьютер хизмати йўлга қўйилиб, эркаклар сартарошхонасини ҳам ишга туширмоқчимиз, — дейди ЎзХДП аъзоси Жўрабек Менгноров. — Сўнг навбат — автомобилларга сервис хизмати кўрсатиш шохобчасига. Мини-футбол майдончасини ҳам барпо этишни режалаштирмоқдамиз.

Бундай бунёдкорликлар туфайли аввало маҳалла обод бўлмоқда. Хизмат кўрсатиш маданияти юксалмоқда. Энг муҳими, одамлар ишли бўлмоқда.

 

 Абдумалик ҲАЙДАРОВ,

 «Ўзбекистон овози» мухбири.


Фикр ва мулохазалар

Защита от автоматических сообщений

Сўнгги янгиликлар: