Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
04.06.2016

СИЁСИЙ ФАОЛЛИКНИ ОШИРИШ

масалаларига бағишланди

Ўзбекистон ХДП Марказий Кенгашида «Партия ташкилотларида фаолият кўрсатаётган ходимларнинг сиёсий фаоллигини ошириш» мавзусига бағишлаб ўтказилган семинарда Олий Мажлис Қонунчилик палатаси депутатлари, Тошкент шаҳар ва вилоят партия кенгашлари ҳамда Марказий Кенгаш ходимлари, Фуқаролик жамияти шаклланишини мониторинг қилиш мустақил институти, ОАВ вакиллари иштирок этди.

Ўқув-семинарни ЎзХДП Марказий Кенгаши раиси ўринбосари Улуғбек Вафоев кириш сўзи билан очди.

Тадбирда партия фаолларида мамлакатимиздаги сиёсий жараёнларга ҳамда халқаро майдонда юз бераётган воқеа-ҳодисаларга оммавий ахборот воситалари орқали муносабат билдириш кўникмасини шакллантириш масаласига эътибор қаратилди. Мазкур мавзу юзасидан «Ўзбекис­тон овози» ва «Голос Узбекистана» газеталари бош муҳаррири Сафар Остонов маъруза қилди. Ўз сўзида у партия фаоллари томонидан сиёсий мавзуларда ёзилаётган мақолалар, уларни тайёрлаш тартиби тўғрисида кенг тушунча берди. Бунда ҳар бир воқеликка нисбатан сергаклик, зийраклик билан ёндашиш лозимлигини таъкидлади. Ўз устида ишлайдиган, доим ўқиш ва изланишда бўлган партия фаоли ҳар қандай вазиятга теран муносабат билдира олишини қайд этди.

Партия томонидан ўтказилаётган тарғибот тадбирларида сиёсий мавзуларда маърузалар билан чиқиш амалиёти атрофлича муҳокама қилиниб, уларни тайёрлаш тартиби, жараёни тўғрисида зарур маълумотлар берилди.

— Сиёсий мавзуларда тайёрланган маърузаларни аудиторияга етказиш ўзига хос маҳорат талаб этади, — деди ЎзХДП Марказий Кенгаши бўлим мудири Назира Матёқубова. — Бунинг учун аввало маъруза пишиқ, пухта бўлиши лозим. Мавзунинг мақсади, мазмуни маърузанинг кириш қисмидаёқ тингловчига қисқа, лўнда услубда етказиб берилиши зарур. Асосий қисм эса ўз-ўзидан унинг мағзини очиб беришга хизмат қилади.

Маъруза тайёрлашда сиёсий адабиётлардан фой­даланиш лозим. Ундаги фикрлардан ижодий фойдаланиб, уларни ўз қарашларимиз билан мустаҳкамлашимиз керак. Айрим ҳолларда тингловчига яхшироқ таъсир қилиши учун мақоллар, афоризмлар қўллашда ҳам меъёрга амал қилиш мақсадга мувофиқдир.

Семинарда, шунингдек, сиёсий партиялар фаолиятида таҳлилий ишларнинг мақсади, моҳияти ва аҳамияти тўғрисида сўз юритилди. Мазкур йўналишда олиб борилаётган ишлар бўйича мулоҳазалар билдирилди. Унда мавжуд муаммолар ечими юзасидан йиғилиш иштирокчилари билан фикр алмашилди.

— Сиёсий партия аъзоси биринчи галда тарғиботчи бўлиши керак, — деди ЎзХДП Сергели туман кенгаши раиси Шоира Хўжаева. — Семинарда айни шу масалага алоҳида эътибор қаратилди. Партия етакчиси сифатида кўплаб тадбирларда, учрашувларда маъруза қилишимизга тўғри келади. Бугунги ўқувда айтилган топшириқ ва кўрсатмалар келгуси фаолиятимизда асқотади. Бундан таш­қари, қабул қилинаётган қарорлар, Президентимиз табрик ва маърузаларига муносабат билдиришда ­нималарга кўпроқ урғу ­беришимиз кераклиги бўйича ҳам билимларимизни бо­йитдик. Пар­тиямиз мақсад ва ғоялари, электорат ман­фаатларига мос масалалар юзасидан фикр ва таклифларимизни билдириб боришимиз зарурлигини чуқурроқ англадик.

Семинарда «Сиёсий пар­­тиялар фаолиятида таҳлилий ишларни ташкил қи­лиш», «Сиёсий партиялар фаолиятига оид қабул қилинаётган қонунларнинг мазмун ва моҳияти» мавзуларида ҳам маърузалар тингланди.

Кун тартибидаги масалалар юзасидан барча партия ташкилотлари фаолиятини такомиллаштириш бўйича тегишли вазифалар белгилаб олинди.

 

Зилола УБАЙДУЛЛАЕВА,

«Ўзбекистон овози» мухбири.



DB query error.
Please try later.