Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
02.06.2016

ОЛТИНЧИ ТУРДАН СЎНГ

Пойтахтимизда шоҳмот бўйича эркаклар ва аёллар ўртасида XV Осиё чемпио­нати қизғин давом этмоқда.

Нуфузли мусобақада йигирмадан ортиқ давлатдан икки юзга яқин шоҳмот устаси ғолиблик учун ўзаро дона суришяпти. 

Швейцарча тизимда давом этаётган баҳсларда Рустам Қосимжонов, Марат Жумаев, Жаҳонгир Воҳидов, Темур Игонин, Нодирбек Ёқубов, Жавоҳир Синдоров, Нодирбек Абдусатторов, Меҳриддин Йўлдошев, Музаффаржон Эминжонов, Акмал Файзуллаев, Гулруҳбегим Тоҳиржонова, Нодира Нодиржонова, Баҳора Абдусатторова, Ситора Сапарова сингари истеъдод соҳиблари юртимиз шарафини ҳимоя қилмоқда. 

Ҳозиргача эркаклар ўртасида якунланган олтинчи тур учрашувларидан сўнг, вьетнамлик Ле Куанг Лием ҳамда хитойлик Вей Ю бир хил — бештадан очко жамғариб, пешқадам бўлиб туришибди. Ҳамюртларимиз тажрибали гроссмейстер Рустам Қосимжонов ҳамда умидли шоҳмотчимиз Жаҳонгир Воҳидовлар ҳисобида эса 4,5 тадан очко бор. 

Ўн еттинчи жаҳон чемпиони Рустам Қосимжонов аввалги турларда Ноаман Омар (БАА), Алиризо Фироузя (Эрон), Бабу Лалит (Ҳиндистон) устидан ғалаба қозонди ҳамда Баярсаихан Гундаваа (Мўғулистон) ва Суря Шекҳар Гангули (Ҳиндистон) билан дуранг ўйнади.

Кеча олтинчи турда Қосимжонов оқ доналар билан хитойлик Янг Венг­га қарши дуранг ўйнаган бўлса, Воҳидов яна бир вакилимиз Акмал Файзуллаев билан куч синашди. Унда Жаҳонгир қора доналар билан ўйнашига қарамай, ғалаба қозонди. 

Аёллар ўртасидаги баҳслар ҳам муросасиз давом этяпти. Унда ҳозирча олти имкониятдан 5,5 очко тўплаган ҳиндистонлик Кулкарни Бҳакти якка пешқадамлик қилмоқда. Кеча олтинчи турда истеъдодли шоҳмотчимиз Гулруҳбегим Тоҳиржонова айнан Бҳактига қарши дона сурди ва учрашув дуранг билан якунланди — 0,5:0,5.

Ҳозиргача ўтказилган олти партия­да уч ғалаба ва уч дурангга эришган Гулруҳбегим Тоҳиржонова, Динара Саидваққосова (Қозоғистон), Ли Куаи (Хитой) бир хил — 4,5 очко жамғарган.

 

Ўз мухбиримиз.



DB query error.
Please try later.