28.05.2016

ҚЎРИҚЛАШ ХИЗМАТИ: ИШОНЧ ВА САМАРАДОРЛИК ОШМОҚДА

Мамлакатимизнинг бошқа ҳудудларида бўлгани каби пойтахтимизнинг Яккасарой туманида жойлашган 21 маҳалла фуқаролар йиғинларида ҳам оқсоқоллар, милиция таянч пунктлари ходимлари ҳамда уйбошилар ҳамкорлигида мулкий жиноятлар, халқ хўжалиги объект­лари ҳамда хусусий хонадонлар, турар-жой биноларида ўғрилик хатти-ҳаракатларининг олдини олиш мақсадида тарғибот-ташвиқот ишлари, турли тезкор тадбирлар олиб борилмоқда.

«Соқчи», «Қулф» деб номланган ушбу тадбирлар давомида мингга яқин хонадон оила аъзолари билан суҳбатлар ўтказилди. Юздан ортиқ якка тартибдаги тадбиркорлар ўртасида тушунтириш ишлари амалга оширилди. Натижада жорий йилнинг ўтган даври давомида 91 хонадон ҳамда 36 иншоот қўриқловга олинди.

Ҳудудда фаолият юритаётган йирик савдо шохобчалари, олий ва ўрта махсус, мактаб ва мактабгача таълим муассасалари, автотураргоҳлар, тиббиёт масканлари, масъулияти чекланган жамиятларига сифатли видеокузатув камералари ўрнатиш, ёнғиндан сақлаш ва қўриқлаш техник воситалари билан жиҳозлаш, техник қўриқлаш пунк­ти қў­риқловига топшириш масалаларида ҳам тарғибот-ташвиқот ишлари сусайтирилгани йўқ.

Бунинг самарасида 2500 дан зиёд қўриқловга олинган объектга сифатли видеокузатув ускуналари ўрнатилди. Бу фуқаролар хавфсизлигини таъминлашда, мулкий ҳамда босқинчилик, талончилик жиноятлари содир этилишининг олдини олишда ўз самарасини бермоқда.

Яккасарой тумани ИИБ ҳузуридаги қўриқлаш хизмати ходимлари томонидан туман маъмурий ҳудудида жамоат тартибини сақлаш билан боғлиқ 12 жиноят иши содир этилаётган пайтда фош этилди. Бу эса мазкур хизматнинг моддий-техник базаси йилдан-йилга мустаҳкамланиб бораётгани ва тезкор гуруҳ ходимларининг ўз ишига масъулият билан ёндашаётганидан далолат беради, деб ўйлаймиз.

 

Элмурод ҚЎЗИЕВ,

Ички ишлар вазирлиги ҳузуридаги «Қўриқлаш» бирлашмаси ИҲҲҚ

ва ЮТБ Матбуот гуруҳи катта инспектори, катта лейтенант.



DB query error.
Please try later.