14.05.2016

ОКСАНА — ДУНЁДА ЯГОНА

Маълумки, спорт гимнастикаси бўйича ҳар қандай истеъдод ҳам асосий ютуқларга йигирма беш ёшгача эришади. Сўнгра жисмоний имкониятлари чекланиб боради... Натижада ўз ўрнини ёшларга бўшатиб беради.

Бироқ ҳамюртимиз Оксана Чусовитина эришаётган ғалабалар бутун дунёни ҳайратга солмоқда. Яқинда 41 ёшга тўладиган матонатли спортчимиз халқаро майдонларда чинакам қаҳрамонлик кўрсатишда давом этмоқда.

Ўзбекистонда хизмат кўрсатган спортчи, «Дўстлик» ордени соҳиби Оксана Чусовитина 1992 йилда Барселонада ўтказилган ёзги Олимпия ўйинларида олтин медаль билан тақдирланганида эндигина ўн етти ёшга тўлган эди. Шундан бери у кўп карра Жаҳон кубоги мусобақаларида, ёзги Осиё ўйинларида бош совринларни қўлга киритди. 2008 йилда эса таяниб сакраш бўйича Пекин олимпиадасининг кумуш медали билан тақдирланди.

Ҳайратланарлиси шундаки, қаторасига олти бор Олимпия ўйинларида иштирок этган Оксана еттинчи маротаба бу ҳуқуқни қўлга киритди. Дунёда ҳали ҳеч ким бундай афсонавий ютуққа эришмаган.

Оддий спорт мухлиси сифатида Оксана Чусовитинага мустаҳкам соғлик ва улкан зафарлар тилаймиз. Шундай ватандошимиз борлигидан фахрланамиз. Унинг матонати барча ёшларимиз учун ибрат намунаси бўлади, деб ўйлаймиз.

 

Каримжон САИДОВ,

меҳнат фахрийси.


Фикр ва мулохазалар

Защита от автоматических сообщений

Сўнгги янгиликлар: