Охирги сонда



Кўп ўқилган мақолалар



Долзарб мавзу



Мақолалар архиви

«    Yanvar 2019   
Du Se Cho Pa Ju Sha Ya
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3
14.05.2016

ШАРАФЛИ ВА МАСЪУЛИЯТЛИ КАСБ

12 май – Халқаро ҳамширалар куни сифатида бутун дунёда, шу жумладан, республикамизда ҳам кенг нишонланади.

Ўзбекистон Халқ демократик партияси Марказий Кенгаши масъул ходимлари, Олий Мажлис Қонунчилик палатасидаги фракция­си аъзолари ушбу сана муносабати билан Тошкент тиббиёт академияси Олий ҳамширалик иши факультети ўқитувчилари ва талабалари билан учрашув ўтказди.

— Бемор саломатлиги учун қайғурадиган, уларга дарров ёрдамга шошиладиган, самимият ва ширин сўзи билан далда бўладиган ҳамширалар хизмати ҳар қанча эътирофга лойиқ, — дейди ЎзХДП Марказий Кенгаши сектор мудири Гулшан Асатова. — Республикамиз тиббиёт муассасаларида фаолият кўрсатаётган ҳамширалар меҳнатини муносиб рағбатлантиришга ҳукуматимиз томонидан доимий эътибор қаратиб келинмоқда. Оналик ва болаликни муҳофаза қилиш, соғлом оилани шакллантириш, аҳолига сифатли тиббий ёрдам кўрсатишда, айниқса, патронаж ҳамширалари муҳим ўрин тутади. Айни пайтда мамлакатимизда ўн етти мингдан зиёд патронаж ҳамширалари фаолият кўрсатмоқда. «Соғлом она ва бола йили» Давлат дастурида патронаж ҳамшираларининг сони, малакасини ошириш масалаларини ҳал этиш белгилангани кичик тиббиёт ходимлари фаолиятига берилаётган эътиборнинг яна бир намунасидир.

— Одамларга нафинг тегиши, уларнинг дардига дармон бўлиш — катта бахт, — дейди Тошкент тиббиёт академияси Олий ҳамширалик иши факультети талабаси Камола Худойбердиева. — Биз шифохоналар, қишлоқ врачлик пунктлари, шошилинч ва ихтисослаштирилган тиббий ёрдам илмий марказларида барча муолажаларни бажара оладиган мутахассис бўлиб етишамиз. Соҳадаги янги технологиялар билан ишлаш, мустақил режа тузиш бўйича дарс машғулотлари олиб бориляпти. Бу касбимизнинг етук билимдони бўлишимизда асқотади, албатта.

Тадбирда Олий Мажлис Қонунчилик палатаси депутати Саттор Раҳматов иштирок этиб, тиббиёт соҳасида олиб борилаётган ислоҳотлар ҳақида атрофлича маълумот берди. Учрашувда, шунингдек, соғ­лом турмуш тарзини тарғиб қилиш, сифатли тиббий ёрдам кўрсатишда ҳамшираларнинг ўрни хусусида ҳам фикр алмашилди, мулоҳазалар билдирилди.

 

Ўз мухбиримиз.



DB query error.
Please try later.