Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2019   
Du Se Cho Pa Ju Sha Ya
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5
12.05.2016

МУРОЖААТЛАР

қандай ҳал этилмоқда?

Ўзбекистон ХДП Қорақалпоғистон Республика, туман ва шаҳар кенгашлари қошида 15 Жамоатчилик қабулхонаси фаолият кўрсатмоқда. Жорий йилнинг ўтган даври мобайнида уларга сайловчилар, электорат вакилларидан 132 мурожаат бўлган. Бу кўрсаткич 2015 йилнинг шу даврига нисбатан қарийб 20 тага кўпдир. Мурожаатларнинг аксарият қисми ижобий ҳал этилган. Бу жараёнда депутатлар, партия фаоллари ҳамда идора ва ташкилот мутасаддилари ўртасидаги ҳамкорлик катта самара бермоқда.

Таҳлиллар мурожаатларнинг асосий қисми иш билан таъминлаш ва коммунал хизматлар сифатини ошириш масалалари билан боғлиқ эканини кўрсатмоқда. Шунингдек, моддий ёрдам, соғлиқни сақлаш, тадбиркорлик фаолиятини йўлга қўйиш масалаларидаги мурожаатлар ҳам салмоқли ўрин тутади. Қуйида мурожаатлар қандай тартибда ҳал этилаётгани ҳақида айрим мисолларни келтирсак, ўринли бўлади, деб ўйлаймиз.

Қонликўл тумани 2-сон маҳалласида истиқомат қилаётган Бахт Патуллаева, Венера Садатдинова қишлоқ-хўжалик маҳсулотлари етиштириш учун кредит олиш бўйича кўмак сўраб, туман партия кенгашидаги Жамоатчилик қабулхонасига мурожаат қилишган. Халқ депутатлари туман Кенгаши депутати Бахт Қолимбетова ушбу мурожаатлар юзасидан «Агро­банк»нинг туман бўлимига сўров юборгач, масала ижобий ечим топган.

— Боғ барпо этиш учун ер олишда ёрдам сўраб, қабулхонага мурожаат қилдим, — дейди Нукус тумани «Боқончақли» овулидан Базарбай Хожаниёзов. – Партиямиздан туман Кенгаши депутати Қонисбой Аллаёровга катта раҳмат. Унинг кўмаги ила менга боғдорчилик билан шуғулланиш учун 5 гектар ер ажратилди. Бундан жуда хурсандман. Болаларим ҳам ишли бўлади энди.

Нукус туман кенгаши қошидаги Жамоатчилик қабулхонасига, шунинг­дек, «Боймоқли», «Шуйт» овулларидан бир гуруҳ фуқаролар табиий газ таъминотини яхшилаш масаласида мурожаат этишган. Депутатлар — Қонисбой Аллаёров, Давлатниёз Бекниязов туман газ таъминоти бўлими мутасаддилари билан биргаликда масалани ўрганиб чиқишди. Камчиликлар бартараф этилиб, ҳудудда газ таъминоти яхшиланди.

Яна бир мисол. ЎзХДП Жамоатчилик қабулхонасига Тўрткўл туман «Боғ ёп» маҳалласидан Роза Курдаева электр тармоғидаги узилишлардан норозилигини билдирди. Депутат Комилжон Сейтимбетов соҳага алоқадор кишилар билан масалани ўрганди. Мутахассислар ҳудуддаги трансформаторнинг носозлигини аниқлаб, уни таъмирлаб беришди. Эндиликда маҳалла аҳли электр энергиясидан узлуксиз фойдаланадиган бўлди.

Бу каби мисолларни кўплаб келтириш мумкин, албатта. Хулоса шуки, электорат манфаатларини муҳофаза қилишда Жамоатчилик қабулхоналарининг роли тобора ортиб бормоқда.

 

Минажатдин ҚУТЛИМУРАТОВ,

«Ўзбекистон овози» мухбири.


Фикр ва мулохазалар

Защита от автоматических сообщений

Сўнгги янгиликлар: