Охирги сонда



Кўп ўқилган мақолалар



Долзарб мавзу



Мақолалар архиви

«    Yanvar 2019   
Du Se Cho Pa Ju Sha Ya
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3
09.05.2016

ХОТИРА – БОҚИЙ, ҚАДР – МУҚАДДАС

Ўзбекистон ХДП Марказий Кенгаши, Қорақалпоғистон Республикаси, вилоятлар ва Тошкент шаҳар ташкилотлари, «Фаол аёллар» ва «Истиқбол» ёшлар қаноти, Тарғиботчилар гуруҳи Хотира ва қадрлаш куни муносабати билан турли маънавий-маърифий тадбирлар, икки авлод учрашувлари, давра суҳбатлари ўтказмоқда.

Самарқанд вилоят ҳамда Самарқанд шаҳар партия кенгаши «Нуроний» жам­ғармаси шаҳар кенгаши билан ҳамкорликда икки авлод учрашуви ўтказди. Унда отахону онахонлар ёшлар билан дилдан суҳбат қуришди.

— Давлатимизда кексаларни ижтимоий муҳофаза қилиш, эъзозлаш, ғамхўрлик кўрсатишга алоҳида эътибор қаратиб келинмоқда, — дейди Самарқанд тиббиёт инс­титути проректори Яхшинор Аллаёров. — Президентимизнинг 1941-1945 йиллардаги уруш ва меҳнат фронти фахрийларини ижтимоий қўллаб-қувватлашни янада кучайтириш чора-тадбирлари тўғрисидаги фармонига асосан, кексаларимиз йилда бир марта ўзи учун мақбул муддатларда соғломлаштириш муассасаларида бепул даволаниш имкониятига эга бўлди. Бундай ишлар фахрийларни қўллаб-қувватлаш, уларга эҳтиром кўрсатишда ўзига хос аҳамият касб этмоқда.

— Ҳақиқатан ҳам, кексалар манфаатларини ҳимоя қилиш, уларни ҳар томонлама қўллаб-қувватлаш олдимизда турган муҳим вазифалардан бири, — дейди ЎзХДП Самарқанд шаҳар кенгаши раиси Шоира Норқулова. — Шаҳримизда 41 нафар уруш ва меҳнат фронти фахрийси истиқомат қилмоқда. Уларнинг ҳолидан хабар олиб турибмиз, ҳар томонлама ёрдам кўрсатишга ҳаракат қиляпмиз. Бу борадаги ишларимизни изчил давом эттиришимиз, кексалар, нуроний отахон ва онахонлар, айниқса, ёлғиз яшовчи қариялар манфаатлари билан боғлиқ ижтимоий лойиҳаларни  амалга оширишимиз даркор.

Самарқанд шаҳрида яшовчи 86 ёшли уруш ва меҳнат фахрийси Фариддин ота Гашимов тадбир сўнгида ёшларни алқаб, дуога қўл очди:

— Умрларингдан барака топинглар, болаларим. Шу кунларга етказганига шукр. Ишларинг доим бароридан келсин, ниятларингга етиб юринглар, илоҳим. Юртимиз тинч бўлсин, халқимиз ўртасидаги меҳр-оқибат ҳеч қачон камаймасин...

Ана шундай тадбир Тошкент шаҳар Мирзо Улуғбек туманида ҳам бўлиб ўтди. Туман партия кенгаши фаоллари депутатлар, врачлар малакасини ошириш институти вакиллари билан биргаликда Алишер Навоий номли маҳаллада истиқомат қилувчи фахрийлар ҳолидан хабар олишди.

Навоий вилоят партия кенгаши ходимлари эса Навоий шаҳридаги «Умид», «Баҳор» ва «Ёшлар» маҳаллаларида бўлишиб, у ердаги уруш ва меҳнат фахрийларидан кўнгил сўрашди. «Нуроний» жамғармаси, халқ депутатлари вилоят ва шаҳар Кенгашларидаги партия гуруҳлари вакиллари, бошланғич ташкилотлар етакчилари иштирокидаги учрашувда кексаларга совғалар улашилди.

Юқори Чирчиқ туман партия кенгаши томонидан ўтказилган тадбирда ҳудуддаги барча уруш ва меҳнат фронти фахрийлари хонадонларига ташриф буюрилди.

— 91 ёшдаман, — дейди Иккинчи жаҳон уруши қатнашчиси Тошмурод Қосимов. — Яратганга шукр, 6 фарзанд, 17 невара, 45 эварам бор. Уларнинг ардоғида ҳаёт кечиряпман. Юртбошимиз биз каби фаҳрийларга ҳар томонлама ғамхўрлик кўрсатиб келмоқда. Халқимизнинг меҳрини ҳис қилиб яшаяпмиз. Ватанимиз тинч. Қаранг, осмонимиз мусаффо. Ҳурлигимизга, тинчлигимизга ҳеч қачон кўз тегмасин.

Инсон хотираси ҳамиша азиз. Жасорат унутилмайди. Улуғ ёшга етган нуронийларни йўқлаш, уларга меҳр-оқибат кўрсатиш барчамизнинг бурчимиз.

Бундай тадбирлар мамлакатимизнинг барча ҳудудлари бўйлаб кўтаринки руҳда давом этмоқда.

 

Исломбек УМИРОВ,

Латифжон МАНСУРОВ,

Зилола УБАЙДУЛЛАЕВА.



DB query error.
Please try later.