Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
07.05.2016

ХОТИРА ХИЁБОНИДА

ноанъанавий дарс

Ҳаёт — хотира билан зийнатли. Инсон нафақат орзу-ниятларсиз, балки хотирасиз ҳам яшолмайди.

Хотира ва қадрлаш айёми арафасида Наманган шаҳридаги Хотира хиёбони байрамона тус олди.

Бу ерда «Ватанпарвар» ташкилоти, «Нуроний» жамғармаси, «Камолот» ёшлар ижтимоий ҳаракати вилоят кенгашлари, таълим муассасалари томонидан маънавий-маърифий тадбирлар ўтказилмоқда.

— Иккинчи жаҳон уруши бошланганида 12 ёшга тўлган қизалоқ эдим, — дейди 90 ёшли меҳнат фронти фахрийси Лидия Филатова. — Фашистлар мен туғилиб ўсган шаҳарни қамал қилдилар. Қишнинг аёзларида қаҳатчилик азобини чекдик. Туғишганларим, қадрдонларим очликдан вафот этишди. Оғир ва таҳликали кунларда Ўзбекистондан паноҳ топдим. Ўшанда ўзбек халқи биз етимларни қучоғига олди. Ўқитувчилар тайёрлаш курсини тамомлаб, мактабда дарс бердим. Тинчлик ва бахт мамлакати — Ўзбекистонда бутун умрга қолдим.

— Саккизинчи синф ўқувчилари билан навбатдаги тарбиявий соат машғулотини ўтказиш учун Хотира хиёбонига келдик, — дейди Наманган шаҳридаги 1-умумтаълим мактаби ўқитувчиси Мадинахон Капанадзе. — Машғулотимизда Иккинчи жаҳон уруши ва фронт орти қатнашчилари Саримсоқжон Низомов, Сергей Крюков, Лидия Филатова, Аҳмаджон Ҳожиев, Жаббор Содиқов сингари табаррук отахон ва онахонлар иштирок этиб, уруш хотираларидан сўзлаб беришди.

Мактаб ўқувчилари айвондаги хотира китобларини бир-бир варақлаб, тинч ва фаровон ҳаётимиз учун жон фидо этган ота-боболарини эсладилар.

— Бу даргоҳдаги зиёратдан сўнг вилоят Хотира ва қадрлаш музейига борамиз, — дейди Наманган миллий ҳунармандчилик ва хизмат кўрсатиш коллежи ўқитувчиси Ҳамидулло Аҳмедов. — Ундан кейин уруш ва меҳнат фахрийлари хонадонларига ўтамиз.

Тарихнинг таҳликали кунларида қаҳрамонлик кўрсатган табаррук зотлар суҳбатидан олам-олам таассурот олган ўқувчи-ёшлар қалбида тинчлик мустақиллик қадри янада юксалди.

Хотира хиёбонида ноанъанавий дарс машғулотлари, маънавий-маърифий тадбирлар давом этмоқда.

 

Носиржон ДЕҲҚОНОВ,

«Ўзбекистон овози» мухбири.



DB query error.
Please try later.