Охирги сонда



Кўп ўқилган мақолалар



Долзарб мавзу



Мақолалар архиви

«    Yanvar 2019   
Du Se Cho Pa Ju Sha Ya
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3
19.04.2016

ИШ ЎРГАНИБ, КАСБЛИ БЎЛИШМОҚДА

«СамАвто» масъулияти чекланган жамияти ўз фаолиятини 1999 йилнинг март ойида бошлаган эди. 2006 йилда «Samkochauto» қўшма корхонаси «Самарқанд автомобиль заводи» МЧЖ («СамАвто») номи билан қайта ташкил этилди ва Япониянинг «ISUZU Motors Ltd» компанияси билан ҳамкорликда «ISUZU» шассиси асосида автомобиллар ишлаб чиқара бошлади.

2011 йилда корхонада сиқилган табиий газда ишловчи двигателлар ўрнатилган автомобиллар ишлаб чиқариш йўлга қўйилди.

— Бунинг сабабларидан бири табиий газ ёнилғисининг нисбатан арзонлиги ва ҳавони ифлослантириш даражасининг пастлигидир, — дейди мазкур корхона ахборот хизмати раҳбари Акобир Ахтамов. — Ҳозирги пайт­да тайёрланаётган уч хил кузовга эга фургон, бортли ва ўзи ағдаргич автомобиллар ҳам шу ёнилғи билан ишлайди.

2014-2015 йилларда ана шундай ёнилғи билан минг­дан зиёд чиқинди ташийдиган машиналарга буюртма олинди. Натижада республикамиздаги кўпгина ободонлаштириш бош­қармалари ва махсус санитар-тозалаш хизматлари ўзларининг автомобиль паркларини янгилашди.

Корхонанинг экспорт салоҳия­ти ҳам йил сайин ошиб бормоқда. Бугунги кунда «СамАвто» машиналарига Озарбайжон, Қозо­ғис­тон ва Туркманис­тон каби давлатларда талаб катта.

2006 — 2014 йиллар мо­­­бай­­нида янги замонавий давлат стандартларига жавоб берадиган цех ва участкалар ишга туширилиши натижасида аҳолини, айниқса, ёшларни иш билан таъминлашнинг кенг имкониятлари очилди. Хусусан, кейинги беш йил мобайнида 254 янги иш ўрни яратилди.

Корхона Самарқанд автомобилсозлик касб-ҳунар коллежи билан ҳамкорлик қилиб келмоқда. Завод ҳомийлигида коллежнинг моддий-техник базаси мустаҳкамланмоқда. Мазкур таълим даргоҳида бугунги кунда «ISUZU» ўқув маркази ташкил этилган. Ушбу марказга малакали мутахассислар жалб этилиб, улар томонидан маърузалар ўқилмоқда.

Битирувчилар амалиётни заводда ўташлари учун барча шарт-шароитлар яратилган. Улар «устоз — шогирд» анъанаси асосида малакали ишчиларга бириктирилади.

Сўнгги икки йилда 219 нафар коллеж ўқувчиси бу ерда амалиёт ўтади. 87 нафар битирувчи эса корхонада ишга олиб қолинди.

Ҳозирги кунда корхона жамоа­си минг нафарни ташкил этади. Уларнинг ижтимоий ҳимояси талаб даражасида ташкил этилган.

 

Абдурасул САТТОРОВ,

«Ўзбекистон овози» мухбири.



DB query error.
Please try later.