Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
16.04.2016

«ТАЪЛИМ ТЎҒРИСИДА»ГИ ҚОНУННИНГ

Навоий вилоятидаги ижроси кўриб чиқилди

Халқ депутатлари Навоий вилоят Кенгашидаги ЎзХДП гуруҳининг навбатдаги йиғилишида 2016 йилга мўлжалланган амалий Ҳаракат дастурига асосан «Таълим тўғрисида»ги Қонун ижроси билан боғлиқ масала кўриб чиқилди.

Қайд этилдики, бугунги кунда таълим тизимини янада такомиллаштириш ўқитишнинг замонавий усулларини амалиётга татбиқ этиш борасида вилоятда қатор ишлар қилинмоқда.

Ўтган йили 18 умумтаълим мактаби, 4 академик лицей ва касб-ҳунар коллежи, 6 болалар спорти объекти, 10 мактабгача таълим муассасаси фойдаланишга топширилди. Бу ишлар учун 60 миллиард сўм маблағ сарф­ланди.

Масалан, Кармана туманидаги «Боғишамол» маҳалласида 420 ўринли, Хатирчи туманининг Амир Темур маҳалласида ҳар бири 180 ўринли 2 янги мактаб қурилиб, ўқувчилар ихтиёрига топширилди. Шунингдек, Навбаҳор туманида ёпиқ сузиш ҳавзаси қурилиши ниҳоясига етказилган бўлса, Навоий шаҳрида имконияти чекланган болалар учун ихтисослаштирилган мактаб-интернатнинг 240 нафар ўқувчига мўлжалланган ўқув биноси реконструкция қилинди.

Қонун ижроси билан боғлиқ ахборот эшитилгандан сўнг халқ депутатлари вилоят Кенгашидаги ЎзХДП гуруҳи раҳбари Нормурод Исоқов, партия гуруҳи аъзолари Муҳаббат Темирова, вилоят партия кенгаши раиси Акмал ­Асатов музокарага чиқиб, ­«Таълим тўғрисида»ги Қонун ижроси юзасидан партия гуруҳи олиб борган назорат-таҳлил натижалари ҳа­қида маълумот беришди. Жойларда ечимини кутаётган масалаларни ҳал қилиш бўйича тегишли таклифлар билдиришди.

— Эришилган ютуқлар ҳаммамизни қувонтиради, албатта. Лекин айрим таълим масканларида қилиниши лозим бўлган ишлар ҳам йўқ эмас, — дейди халқ депутатлари Навоий вилоят Кенгашидаги ЎзХДП гуруҳи аъзоси Иба Наризова. — Биз тегишли масалаларда таклифларимизни бердик. Хусусан, истеъдодли болаларни қўллаб-қувватлаш бу борада ўқитувчиларнинг масъ­улия­тини янада кучайтириш зарур, деб ҳисоблаймиз.

Халқ депутатлари вилоят Кенгашидаги партиямиз гуруҳи қонун ижроси бўйича олиб борилаётган ишларни тизимли равишда ўрганиш, унинг натижаларини доимий комиссия ва сессия муҳокамасига олиб чиқиш ҳақида қарор қабул қилди.

 

Илҳом САТТОРОВ,

«Ўзбекистон овози» мухбири.



DB query error.
Please try later.