Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
14.04.2016

ЯРАШУВ ИНСТИТУТИ—

бағрикенглик ва олижаноблик ифодаси

Ўзбекистон Республикаси Олий суди томонидан матбуот анжумани ташкил этилди.

Тадбирда мамлакатимиз суд-ҳуқуқ соҳасида амалга оширилаётган ислоҳотлар, ярашув институтининг аҳамия­ти ва самаралари хусусида сўз борди.

Таъкидландики, ҳозирги кунда Жиноят кодексининг 44 моддасида назарда тутилган 60 жиноят таркиби бўйича ярашув институтини қўллаш имконияти мавжуд.

Тарафларнинг ярашганлиги муносабати билан жавобгарликдан озод қилиш адолат ҳамда инсонпарварлик тамойилларининг амалдаги кўринишидир.

Ярашув тўғрисидаги ишларни кўриб чиқиш учун ягона суд амалиётини таъминлаш мақсадида Ўзбекис­тон Республикаси Олий суди Пленумининг «Ярашув тўғрисидаги ишлар бўйича суд амалиёти ҳақида»ги қарори қабул қилинган бўлиб, унда баён қилинган тушунтиришлар суд амалиётида муҳим аҳамият касб этмоқда.

Шуни алоҳида қайд этиш жоизки, мазкур институт жабрланувчининг ҳуқуқларини ишончли ҳимоя қилиш, судланганлик ҳолатини камайтиришга кенг имконият яратди.

Шунингдек, ярашув тўғрисидаги ишларни юритишда қисқа муддатда тарафлар ўртасидаги низо бартараф этилади ва ортиқча сарф-харажатнинг олди олинади. Гумон қилинувчи, айбланувчи ва судланувчи жиноий жавобгарликдан озод этилиб, «судланган», деган тамғадан халос бўлади.

Статистик маълумотларга кўра, жиноят қонунчилигида ярашув институтининг жорий этилганидан буён 2016 йилнинг 1 январига қадар республикамиз бўйича 177 492 нафар шахсга нисбатан 163 759 жиноят ишлари тарафларнинг ўзаро ярашганлиги муносабати билан тугатилган. Яъни, ярашув институтининг самараси ўлароқ, 177 492 нафар шахс «судланган», деган тамғадан сақлаб қолинган.

Тадбир иштирокчилари журналистлар саволларига жавоб берар экан, жиноят қонунчилигига ярашув институтининг жорий қилиниши халқимизга хос бўлган бағрикенглик, кечиримлилик каби олижаноб фазилатларнинг ифодаси эканлигини амалий мисолларда таъкидлаб ўтишди.

 

Равшан ШОДИЕВ,

«Ўзбекистон овози» мухбири. 



DB query error.
Please try later.