Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
09.04.2016

МУРОЖААТЛАР

ижобий ечим топмоқда

Ўзбекистон ХДП Қорақалпоғистон Республикаси туман ва шаҳар кенгашлари қошида 15 Жамоатчилик қа­булхонаси фаолият юрит­моқ­да. Уларга бир йил мобайнида фуқаролар, электорат вакилларидан 350 га яқин мурожаат тушди.

Жамоатчилик қабулхоналари ҳудудлардаги муаммоларни ҳамкорликда ҳал этишда муҳим восита ҳисобланади. Бу жараёнда партия кенгашлари, маҳаллий Кенгашлар депутатлари ва ижтимоий ҳамкор ташкилотларнинг бирга ишлаши муҳим аҳамият касб этмоқда.

Тўрткўл тумани мисолида олиб қарайдиган бўлсак, ўтган йили фуқаролардан тушган мурожаатларнинг аксарият қисми ижобий ечим топган. Улар асосан ишга жойлашиш, банкдан кредит олиш, моддий ёрдам, ижтимоий ҳимоя ва соғлиқни сақлаш масалаларига оид бўлган.

— Ҳамшираликка ўқиганман, — дейди Фотима Холбоева. – Иш қидириб, Жамоатчилик қабулхонасига мурожаат қилгандим. Партия фаоллари ҳамда депутатлар кўмагида тумандаги «Баҳор» қишлоқ врачлик пунктига ишга жойлашдим. Оиламдагилар жуда хурсанд бўлишди.

— Касб-ҳунар коллежи битирувчилари асосан ишга жойлашиш масаласида мурожаат қилишади, — дейди халқ депутатлари Тўрткўл туман Кенгашидаги ЎзХДП гуруҳи аъзоси Пўлат Худайбергенов. — Биз уларга қўлимиздан келганча ёрдам беришга ҳаракат қиламиз. Масалан, яқинда Умида ­Матчановага туманимиздаги қишлоқ врачлик пунктига ҳамшира бўлиб ишга жойлашишига ёрдам бердик. Фаолиятимиз давомида ўз ишини бошлаш истагида бўлган ўғил-қизларни қўллаб-қувватлашга алоҳида эътибор қаратяпмиз.

Коллеж битирувчилари билан тузилган шартномалар иш берувчи томонидан ўз вақтида бажарилиши бугунги кунда долзарб масала бўлиб қолмоқда. Тўрткўл туман тиббиёт бирлашмаси ўтган йили 20 нафар коллеж битирувчиси билан тузилган шартномани амалга оширишга эришди. Албатта, бунда ташаббускор депутатларнинг хизмати катта бўлди.

Жамоатчилик қабулхонаси электорат манфаатини ҳимоя қилишнинг тажрибадан ўтган самарали воситаси ҳисобланади. Шунинг учун ҳар бир мурожаатни таҳлилий ўрганиб, унда кўтарилган масалани ҳал қилиш чораларини кўриш талаб этилади.

 

Минажатдин ҚУТЛИМУРАТОВ,

«Ўзбекистон овози» мухбири.



DB query error.
Please try later.