09.04.2016

КУЧ-ҚУДРАТ ВА АДОЛАТ ТИМСОЛИ

Халқимиз ҳамиша ўз аждодлари билан фахрланиб, уларнинг тарих олдидаги буюк хизматлари учун бошини баланд кўтариб яшайди. Айниқса, улуғ саркарда, буюк давлат арбоби Соҳибқирон Амир Темур шахсияти, умр йўли мана неча асрларки халқимизнинг ғурури ва фахрига, ифтихорига айланиб келмоқда.

Ўзбекистон ХДП Марказий Кенгаши ташаббуси билан Темурийлар тарихи Давлат музейида «Амир ­Темур ғоялари ва ёшлар маънавияти» мавзусида ўтказилган тадбирда партиянинг ёш аъзолари шу ҳақда тўлқинланиб гапиришди.

— Амир Темурнинг мамлакатни бошқариш санъати, бунёдкорлик ва илм-фан, маданият ҳомийси сифатида амалга оширган эзгу ишлари унинг номини мангуга муҳрлади, — дейди ЎзХДП Марказий Кенгаши Ёшларнинг ижтимоий-сиёсий фаоллигини ошириш сектори бош референти Суннатулло ­Бозорбоев. — Юртимиз истиқлолга эришгач, жаҳон цивилизациясига улкан ҳисса қўшган Соҳибқирон бобомизнинг маданий-маърифий меросини ўрганиш ­борасида кенг кўламли ишлар амалга оширилди. Ҳар биримиз улуғ аждодларимиз каби Ватанга муҳаббат, эл-юртга садоқат руҳида яшашимиз керак.

Тадбир давомида ёшлар Амир ­Темур ҳайкали пойига гулчамбар қўйиб, ҳурмат кўрсатишди. Темурийлар тарихи Давлат музейидаги экспонатлар билан яқиндан танишиб, тарихимиз ҳақидаги билимларини янада оширишди.

 

Ўз мухбиримиз.



DB query error.
Please try later.