Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
07.04.2016

ДЕПУТАТЛАР ФАОЛЛИГИ

партиямиз Ҳаракат дастури ижросини таъминлашда муҳим аҳамият касб этади

Маҳаллий Кенгашлардаги кўпчилик депутатларимиз сайловчилар, электорат манфаатларига дахлдор у ёки бу масала юзасидан мутасаддиларга депутатлик сў­ровлари билан мурожаат қилишдек таъсирли усулдан ўринли фойдаланишяпти. Аммо айрим ҳолларда бундай сўровларга вақтида жавоб берилмаётганидан ҳам кўз юмиб бўлмайди.

Халқ депутатлари Жиззах вилоят Кенгашида партиямиздан сайланган 12 нафар, туман ва шаҳар Кенгашларида эса 105 нафар депутат фаолият юритмоқда.

Хўш, ҳудудларда электорат вакилларини ўйлантираётган ижтимоий муаммоларни ҳал этиш борасида депутатларимиз ўз ваколатларидан қай даражада фойдаланмоқда? Маҳаллий Кенгашлардаги пар­тиямиз гуруҳлари фаолиятидан бугун қониқиш ҳосил қилиш мумкинми? 2016 йил учун мўлжалланган Ҳаракат дас­туридаги вазифалар ижросини таъминлашда депутатларимиз, депутатлик бирлашмалари қайси жиҳатларга кўпроқ аҳамият бериши керак?

ЎзХДП Жиззах вилоят кенгаши томонидан пар­тия Марказий Кенгаши билан ҳамкорликда ташкил этилган «Ҳаракат дастурини амалга оширишда маҳаллий Кенгашлардаги депутатларнинг ролини кучайтиришга доир долзарб вазифалар» мавзусидаги семинарда ана шулар тўғрисида сўз юритилди, мулоҳазалар билдирилди.

Семинар аввалида Олий Мажлис Қонунчилик палатаси депутати, ЎзХДП фракцияси аъзоси ­Зулайҳо Акромова, ЎзХДП Марказий Кенгаши аҳоли бандлиги ва ижти­моий-сиёсат ­масалалари ­бўлими мудири Назира ­Матёқубова партия дастурий мақсадларини ҳаётга татбиқ этишда маҳаллий Кенгашлардаги депутатларимиз, депутатлик бирлашмаларининг ўрни ҳамда вазифалари, яратилган қонуний асослар, ваколатлар, мажбуриятлар хусусида атрофлича тушунча бериб ўтди.

Халқ депутатлари Ғаллаорол туман Кенгашидаги ЎзХДП гуруҳи раҳбари Нодирбек Анорбоев, Жиззах шаҳар партия кенгаши ­раиси Носир Сиддиқов, вилоят Кенгаши депутати Хидир Шукуров Ҳаракат дастурида белгиланган ижтимоий-иқтисодий масалалар, ҳудудларга хос муаммоларни пар­тия гуруҳлари, доимий комиссияларда ўрганиш, сес­сия­лар муҳокамасига киритиш билан боғлиқ тажрибаларини ўртоқлашишди.

— Пар­тиямиздан сайланган баъзи маҳаллий Кенгаш депутатлари фаолиятини ижобий баҳолаб бўлмайди, — деди ЎзХДП Жиззах вилоят кенгаши ­раиси, халқ депутатлари вилоят Кенгашидаги партия гуруҳи раҳбари Мўътабар Каримова. — Улар орасида кўплаб фидойи, жонкуяр, қатъиятли депутатларимиз билан бир қаторда, сайловчиларни, электорат вакилларини қизиқтираётган масалаларга нисбатан бефарқ муносабатда бўлаётган, депутатлик масъулиятини тўлиқ ҳис этмаётганлари ҳам йўқ эмас. Натижада айрим ҳолатларда маҳаллий Кенгашларнинг сессияларига масалалар тайёрлаш, депутатлик сўровлари, депутат назорати каби таъсирчан воситалардан фойдаланишда камчиликлар кўзга ташланиб қолмоқда.

Тўғри, маҳаллий Кенгашлардаги кўпчилик депутатларимиз сайловчилар, электорат ман­фаатларига дахлдор у ёки бу масала юзасидан мутасаддиларга депутатлик сў­ровлари билан мурожаат қилишдек таъсирли усулдан ўринли фойдаланишяпти. Аммо айрим ҳолларда бундай сўровларга вақтида жавоб берилмаётганидан ҳам кўз юмиб бўлмайди. Бу ўринда, аввало, депутат сўровининг мазмун-моҳияти, унинг муҳимлиги, аҳамия­ти, киритиш тартибига жиддий эътибор берилса, мақсадга мувофиқ бўлади.

Семинар сўнгида фаол депутатлар, партия гуруҳлари раҳбарлари рағбатлантирилди. Бир гуруҳ ёшларга пар­тия­га аъзолик гувоҳномалари топширилди.

 

Иброҳим ЖОНУЗОҚОВ,

«Ўзбекистон овози» мухбири.



DB query error.
Please try later.