Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
02.04.2016

БОЖХОНАНИНГ ҲУҚУҚИЙ БАЗАСИ ТАКОМИЛЛАШМОҚДА

2016 йил 21 апрелдан «Ўзбекистон Республикасининг Божхона кодексини тасдиқлаш тўғрисида»ги қонун билан тасдиқланган янги таҳрирдаги Божхона кодекси кучга киради.

Янги таҳрирдаги Божхона кодекси соҳага оид барча меъёрларни тўлиқ қамраб олган бўлиб, у божхона иши сифати ва самарадорлигини оширишга кўмаклашади, божхона фаолиятининг барча босқичларида нормалар ҳамда ташкилий-ҳуқуқий механизмларнинг бир хилда қўлланилишини таъминлайди.

Жиззахда Ўзбекистон Республикасининг янги таҳрирдаги Божхона кодекси мазмун-моҳиятини ўрганишга бағишлаб ўтказилган семинар-тренингда янги таҳрирдаги кодекснинг умумий қоидалари, ижтимоий-сиёсий ҳаётимиздаги аҳамияти, божхона назоратини амалга ошириш, тўловларни ундиришнинг янги тартиблари ҳақида атрофлича сўз юритилди.

Ўзбекистон Республикаси Олий Мажлиси Сенати аъзолари ва Қонунчилик палатаси депутатлари, вилоят божхона бошқармаси, манфаатдор идора ва ташкилотлар ходимлари ҳамда ҳудудда фаолият юритаётган ташқи иқтисодий фаолият иштирокчилари, кичик бизнес ва хусусий тадбиркорлик субъектлари вакиллари иштирок этган тадбирда янги кодекс ахборот технологиялари асосида божхона назоратини бошқариш, тартиб-қоидаларни соддалаштириш, таш­қи иқтисодий фаолият иштирокчилари билан божхона органлари ўртасида ўзаро муносабатларнинг янги моделини яратишга хизмат қилиши таъкидланди.

— Янги таҳрирдаги Божхона кодексининг амалиётга татбиқ этилиши кичик бизнес ва хусусий тадбиркорлик субъектларига ташқи иқтисодий фаолиятни амалга ошириши учун янада қулай шароитлар яратади, — дейди Жиззах вилояти божхона бош­қармаси бошлиғи А.Раҳмонов. — Ўзбекистон Республикаси божхона чегараси орқали олиб ўтилаётган товарларни божхона назоратидан ўтказиш ҳамда уларни расмийлаштириш муддатини қисқартириш имкониятини беради. Бу янги тартиблар ташқи иқтисодий фаолият самарадорлигини ошириш, ички бозорни сифатсиз ва контрабанда маҳсулотларидан ишончли ҳимоя қилиш имкониятини янада кенгайтиради.

Семинарда иштирокчилар ўзларини қизиқтирган саволларга атрофлича жавоб олдилар.

 

Т.БЕКНАЗАРОВ,

ЎзА мухбири.



DB query error.
Please try later.