Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
31.03.2016

ДЕПУТАТ МАСЪУЛИЯТИ

Бугун ҳар бир партия фаоли, депутат ҳаёт билан ҳамнафас яшамоғи лозим. Бунинг учун берилган ҳуқуқ ва ваколатлардан самарали фойдаланиш, ҳудудларнинг ижтимоий-иқтисодий ривожланиш ҳолатини чуқур ўрганиш талаб этилади.

Партиямиз Сайловолди дастурида таълим муассасалари фаолиятини мувофиқлаштириш, ишлаб чиқариш тармоқларини янада кенгайтириш орқали ижтимоий муҳофазасини кучайтириш, коммунал ва тиббий хизмат сифатини ошириш каби электорат манфаатлари билан боғлиқ муҳим вазифалар белгиланган. Бу масалалар туманимиз учун ҳам жуда долзарбдир.

Туманимиздан халқ депутатлари Тошкент шаҳар Кенгашига сайланган депутат, 13-оилавий поликлиника бош шифокори Зоя Ан электоратни ўйлантираётган масалаларни ҳал этиш, ҳудуддаги ижтимоий муаммоларга ечим топишда партия ташкилотимизга яқиндан кўмак бериб келяпти.

Депутат фаолият олиб бораётган оилавий поликлиника 16 мингга яқин аҳолига хизмат кўрсатади. Жорий йилнинг шу даврига қадар депутатга аҳоли вакилларидан турли масалаларда 30 дан ортиқ мурожаат бўлди. Уларнинг ечими бўйича тегишли идора ва ташкилотларга 20 га яқин депутатлик сўрови юборилди.

Мурожаатлар асосан коммунал хизматлар, сув таъминоти, тран­с­порт хизматини яхшилаш масалаларини ўз ичига олган.

Мисол учун, ўтган йили «Учувчилар» маҳалласидаги гаражларни қайта рўйхатдан ўтказиш бўйича қилинган мурожаат Сергели туман ҳокимиятига депутатлик сўрови юбориш орқали ижобий ҳал этилди. Маҳаллада ташкил этилган «Нуронийлар» хонасини зарур жиҳозлар билан таъминлаш масаласида ёрдам сўраб қилинган мурожаат ҳам ечим топди.

«Қўйлиқ-Сергели-Дўстлик» йўналишида ҳаракатланувчи 104-автобус йўналишининг «Обод» маҳалласи ҳудудидан ўтишини таъминлаш ҳамда тумандаги «Олтин водий» кўчасида автобус бекатини кенгайтириш тўғрисидаги мурожаатлар Тошкент шаҳар ҳокимлиги ва бошқа тегишли ташкилотларга депутатлик сўровлари юбориш орқали ижобий ҳал қилинди.

Бу каби мисолларни яна кўплаб келтириш мумкин. Албатта, биргина ташкилотга сўров юбориш билан масала ҳал бўлиб қолмайди. Мутасадди ташкилот раҳбарининг депутат юборган сўровга жавоби устидан ҳам депутатлик назоратини ўрнатиш талаб этилади.

Турли тадбирлар, семинарлар, қолаверса, оммамий ахборот воситаларида ҳудудлардаги ижтимоий масалаларни маҳаллий Кенгашлар доимий комиссиялари, сессиялари муҳокамасига киритиш, шу орқали электорат вакиллари манфаатларини ҳимоя қилиш кераклиги ҳақида кўплаб фикрлар билдирилмоқда. Бу фикрларда жон бор, албатта. Лекин мен шу ўринда масаланинг бошқа томонига эътибор қаратмоқчиман.

Яъни, депутат фаолияти самарали бўлиши кўп жиҳатдан туман (шаҳар) партия кенгашлари, бошлан­ғич ташкилотлар ташаббускорлигига ҳам боғлиқ. Электорат манфаатларига дахлдор масалаларни кўтариб чиқиб, асослаб беришда биз депутатларга ҳар томонлама ёрдам кўрсатишимиз, уларнинг таклифлари, ташаббусларини қўллаб-қувватлашимиз керак. Шунинг учун депутатимиз билан доимий ҳамкор ва ҳамфикр бўлиб ишлашга ҳаракат қиляпмиз.

Бир сўз билан айтганда, нафақат депутатлар, балки партия фаоллари ҳам электорат манфаати йўлида тиниб-тинчимаслиги, ўзига нисбатан талабчан бўлиши керак.

 

Шоира ХЎЖАЕВА,

ЎзХДП Сергели туман кенгаши раиси.



DB query error.
Please try later.