Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
31.03.2016

ОСИЁНИНГ ЭНГ КУЧЛИ ЎН ИККИ ТЕРМА ЖАМОАСИ

4,5 йўлланма учун курашни давом эттиради

Футбол бўйича 2018 йили Россияда бўладиган жаҳон чемпионати Осиё минтақаси иккинчи босқич саралаш учрашувлари якунланди.

Мусобақанинг «Н» гуруҳида қатнашган Ўзбекистон миллий терма жамоаси охирги турда ўз майдонида Баҳрайн футболчиларини қабул қилди. Мазкур жамоаларнинг ўтган йили октябрда Манамада кечган баҳсида ҳамюртларимиз йирик 4:0 ҳисобида зафар қучишган эди. Шу боис, аксарият мухлислар навбатдаги ўйинда ҳам футболчиларимизнинг ғалабасига ишонч билан қарашаётганди.

Тошкентдаги ўйин кутилганидан-да шиддатли ва муросасиз ўтди. Унда 50-дақиқада Сардор Рашидов киритган ягона гол вакилларимизга муҳим уч очкони тақдим қилди.

— Ўйин биз кутганимиздан кўра, бирмунча қийин кечди, — деди учрашувдан сўнг терма жамоамиз бош мураббийи Самвел Бабаян. — Рақибимиз ҳам ажойиб ўйин намойиш қилди. Шунга қарамай муҳим уч очкони қўлга киритдик ва мухлислар ишончини оқладик. Кейинги ҳал қилувчи саралаш босқичига қитъамизнинг энг кучли терма жамоалари йўлланма олди. Жаҳон чемпионати йўлланмаси тақдирини ҳал қилувчи навбатдаги баҳсларга бугунданоқ ҳозирликни бошлашимиз зарур. 12 апрель куни учинчи саралаш босқичига қуръа ташланади. Гуруҳдаги рақибларимиз номи маълум бўлгач, ФИФА кунларида қайси жамоаларга қарши ўртоқлик учрашувлари ўтказишимиз аниқ бўлади.

Гуруҳдаги иккинчи ўйинда Филиппин футболчилари КХДР терма жамоасидан устун келди — 3:2.

Осиё минтақаси иккинчи саралаш босқичида саккизта гуруҳда учрашувлар ўтказилди. Мусобақа якунига кўра, ўз гуруҳларида ғолибликни қўлга киритган жамоалар ва энг яхши натижа қайд қилган тўртта иккинчи ўрин соҳиби курашни давом эттириш ҳуқуқини қўлга киритди: Бирлашган Араб Амирликлари, Қатар, Жанубий Корея, Япония, Таиланд, Саудия Арабистони, Австралия, Ўзбекис­тон, Сурия, Ироқ, Эрон, Хитой. Шунингдек, мазкур терма жамоалар эришган натижалари эвазига 2019 йили БААда бўладиган навбатдаги Осиё чемпионати финал босқичида майдонга тушадилар.

Эслатиб ўтамиз, 2019 йили ўтадиган Осиё кубоги баҳсларидан бошлаб мусобақада йигирма тўртта терма жамоа иштирок этади. Қитъа чемпио­натининг қолган ўн икки қатнашчиси номи эса икки йил давом этадиган саралаш учрашувлари орқали аниқланади.

 

Эркин ХОЛБОБО,

«Ўзбекистон овози» мухбири.



DB query error.
Please try later.