Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2019   
Du Se Cho Pa Ju Sha Ya
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5
26.03.2016

«АЁЛЛАР СОҒЛИҒИ — ЖАМИЯТ БОЙЛИГИ»

лойиҳаси давом этмоқда

Ўзбекистон Халқ демократик партияси ташкилотлари мамлакатимизнинг барча туман ва шаҳарларида «Аёллар соғлиғи – жамият бойлиги» лойиҳаси доирасида турли учрашувлар, давра суҳбатлари ўтказмоқда. Шундай тадбирлардан бири Пахтакор туман партия кенгаши томонидан тумандаги «Ипак йўли» қишлоғида уюштирилди.

Давра суҳбатида қишлоқ аёллари, ҳудуддаги касб-ҳунар коллежи ўқувчи қизлари иштирок этди.

ЎзХДП Пахтакор туман кенгаши раиси Зуҳра Умрзоқова, «Маҳалла» хайрия жамоат фонди туман бўлими қошидаги «Аёллар маслаҳат маркази» раҳбари Боғланой Бекмуродова, қишлоқ врачлик пункти шифокори Гулчеҳра Мастонова ва бош­қалар юртимизда хотин-қизларнинг ижтимоий-сиёсий ­фаоллигини ошириш, уларнинг ҳуқуқ ҳамда манфаатларини ҳимоя қилиш борасида яратилаётган шарт-шароит ва имкониятлардан самарали фойдаланиш масалалари ҳақида сўз юритишди.

Шу билан бирга, иштирокчилар томонидан аёллар саломатлигини мустаҳкамлаш, соғ­лом авлодни тарбиялаш, ҳар томонлама қулай шарт-шароит яратиш юзасидан фикр-мулоҳазалар билдирилди.

— Қўшни қишлоқда олтмиш ёшдан ошган 15 нафар аёл ҳар куни спорт билан шуғулланишини эшитдим, — деди маҳалла фаоли Дилрабо Қўлдошева. — Бизда ҳам спорт билан шуғулланиш истагида бўлган хотин-қизлар кўпаймоқда. Лекин жой, спорт анжомлари масаласида ташкилий ёрдамга муҳтожмиз.

— Қишлоғимиз хотин-қизларининг қўлигул. Улар орасида тикувчилик, қандолатчиликка қизиқадиганлар кўп, — деди «Ҳулкар» мактабгача таълим муассасаси тарбиячиси Адиба Шерназарова. — Шу ишга бош қўшиб, устоз-шогирд анъанаси бўйича кичик цех ташкил қилсам, дегандим. Тикув машиналари, зарур жиҳозлар олиш, умуман, ўз ишимни йўлга қўйиш учун ҳуқуқий маслаҳатларга муҳтожман. Депутатлар, ҳу­қуқшунос мутахассислар иштирокида семинар ташкил қилинса, яхши бўларди.

— Бу йил касб-ҳунар коллежини битиряпман, — деди ўзини Гулмира Расулова деб таништирган қиз. — Олий ўқув юртига ўқишга кирмоқчиман. Мабодо, тест синовларидан ўтолмай қолсам, ихтисослигим бўйича ишга жойлашишимда партия қандай ёрдам бериши мумкин?..

Тадбир давомида яна бир қанча саволлар берилди, таклиф ва фикр-мулоҳазалар билдирилди.

Давра суҳбатида партиянинг туман ҳамда вилоят кенгашлари қошида Жамоатчилик қабулхоналари фаолият кўрсатаётгани, уларда ЎзХДПдан маҳаллий Кенгашларга сайланган депутатлар, фаолларнинг навбатчилиги йўлга қўйилгани ҳақида батафсил маълумот берилди. Қабулхоналар партия кенгашлари, депутатлик бирлашмалари билан бирга партия аъзолари, электорат вакилларига кўмаклашиб келаётгани таъкидланди. Хусусан, ишга жойлашиш, ўз бизнесини очиш ниятида бўлган хотин-қизларга микрокредит олишда ёрдам кўрсатилаётгани қайд этилди.

Йиғилганлар ўзларини қи­зиқтирган саволларга атрофлича жавоблар олишди. Иштирокчилар давра суҳбатида расмий маърузалар эмас, баҳс-муно­зара ташкил этилганидан миннатдор эканликларини билдиришди.

 

Жамила ШУКУРАЛИЕВА,

ЎзХДП Жиззах вилоят кенгаши сектор мудири.


Фикр ва мулохазалар

Защита от автоматических сообщений

Сўнгги янгиликлар: