26.03.2016

СОҒЛОМ ОИЛА — СОҒЛОМ КЕЛАЖАК

Тошкент давлат шарқшунослик институти қошидаги Юнусобод хорижий тиллар академик лицейида ўғил ва қизларнинг тиббий маданиятини юксалтириш, оилаларда соғ­лом муҳитни мустаҳкамлаш масалаларига бағишланган давра суҳбати бўлиб ўтди.

Ўзбекистон Халқ демократик партияси Марказий Кенгаши томонидан ташкил этилган тадбирда ёш сиёсатчилар клуби аъзолари, Ўзбек Миллий академик драма театри актёрлари ва ёшлар иштирок этди.

Лицей директори Ҳ.Султонов ва бошқалар мамлакатимизда соғлом турмуш тарзини қарор топтириш, оилаларда соғлом муҳитни мустаҳкамлаш, шунингдек, баркамол авлодни тарбиялашда муҳим ўрин тутадиган аёлларни ҳар томонлама қўллаб-қувватлаш, миллат генофондини яхшилашга алоҳида эътибор қаратилаётганини таъкидлади. Президентимиз томонидан тасдиқланган «Соғлом она ва бола йили» Давлат дастури ушбу мақсадга йўналтирилган.

— Жаҳон соғлиқни сақлаш ташкилоти маълумотларига кўра, инсон саломатлигининг 50-52 фоизи турмуш тарзи ва истеъмол қиладиган озиқ-овқат, 20 фоизи атроф-муҳит таъсири ва 8-10 фоизи тиббий хизмат сифатига боғлиқ, — дейди Ўзбекистон Халқ демократик партияси марказий кенгаши сектор мудири Умурбек ­Бектемиров. — Тадбирда ёшлар билан ушбу масала юзасидан фикр алмашдик.

 

М.ҚАРШИБОЕВ,

ЎзА мухбири.



DB query error.
Please try later.