Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
17.03.2016

ҚОНУН ИЖРОСИНИ ЎРГАНИШ НАТИЖАЛАРИ

муҳокама этилди

Қонун ҳужжатлари ижросини ўрганиш, таҳлил қилиш парламент назоратининг асосий йўналишларидан бири ҳисобланади. Парламентимиз Қонунчилик палатаси, унинг қўмиталари бу масалага алоҳида эътибор қаратиб келмоқда, жойларда қонунлар ижроси изчил ўрганилмоқда, ютуқлар, камчиликлар таҳлил этилмоқда.

Саноат, қурилиш ва савдо масалалари қўмитасининг кенгайтирилган йиғилишида «Автомобиль йўллари тўғрисида»ги Қонуннинг Жиззах вилоятидаги ижросини ўрганиш натижалари атрофлича кўриб чиқилди.

Тадбирда Вазирлар Маҳкамаси, Жиззах вилоят ҳокимлиги, вазирликлар, тегишли ташкилотлар мутасаддилари, экспертлар ҳамда оммавий ахборот воситалари вакиллари иштирок этди.

Таъкидландики, мамлакатимизда йўлсозлик соҳасидаги муносабатларни тартибга солишда «Автомобиль йўллари тўғрисида»ги Қонун ҳамда бошқа қонуности ҳужжатлари муҳим ўрин тутмоқда. Жумладан, автомобиль йўллари тизимини янада ривожлантириш мақсадида Президентимизнинг «2015-2019 йилларда муҳандислик-коммуникация ва йўл-транспорт инфратузилмасини ривожлантириш ва модернизация қилиш дастури тўғрисида»ги қарори қабул қилинган. Ушбу қарор асосида ўтган йилнинг ўзида Ўзбек миллий автомагистрали таркибига кирувчи 382,4 км автомобиль йўлларини қуриш ва реконструкция қилиш ишлари амалга оширилди.

Йиғилишда мазкур дастур асосида бошланган ишларни 2016 йилда ҳам изчил давом эттириш муҳим вазифа экани алоҳида қайд этилди.

Шундан сўнг «Автомобиль йўллари тўғрисида»ги Қонуннинг Жиззах вилоятидаги ижроси билан боғлиқ масала муҳокама қилинди. Маълумот ўрнида айтиш керакки, вилоятда автомобиль йўлларининг умумий узунлиги 7,8 минг км бўлиб, умумий фойдаланишдаги автомобиль йўллари 2,6 минг км, ички йўллар 5,2 минг км.ни ташкил қилади. 2015 йилда вилоятда Молия вазирлиги ҳузуридаги Республика йўл жамғармаси ҳисобидан 182,4 миллиард сўмлик қурилиш, таъмирлаш ишлари бажарилган. Хусусан, 104,3 миллиард сўмга 31 км автомобиль йўли реконструкция қилинган, 41 миллиард сўмга 18 км автомобиль йўли тўла ҳамда 37,2 миллиард сўмга 97 км йўл жорий таъмирланган.

Йиғилишда ижобий ишлар билан бир қаторда қонун ижросини таъминлашдаги айрим муаммолар ҳам таъкидлаб ўтилди.

— Қонун ижросини ўрганиш чоғида баъзи камчиликлар ҳам кўзга ташланди,дейди Саноат, қурилиш ва савдо масалалари қўмитаси аъзоси, ЎзХДП фракцияси аъзоси Аҳад Аҳмедов. — Шундан келиб чиқиб, «Ўзавтойўл» ДАК вилоят бош­қармаси фаолиятини тубдан яхшилаш, унинг моддий-техник базасини талаб даражасида янада такомиллаштириш, соҳага малакали мутахассисларни кенгроқ жалб этиш, автомобиль йўлларини жорий ва тўла таъмирлаш бўйича назорат ишларини кучайтириш масалаларида фикр-мулоҳазалар билдирилди. Бундан ташқари, тизимдаги маҳсулот сифатини назорат қилувчи лабораториялар фаолятини яхшилаш, ички йўлларни таъмирлаш ишларига алоҳида эътибор қаратиш масалалари бўйича ҳам таклифлар ўртага ташланди.

Йиғилишда вилоятда қонун ижроси юзасидан йўл қўйилаётган камчиликларни бартараф этиш, умуман, тизимда ечимини кутаётган масалаларни чуқур, таҳлилий ўрганиш, қонунчиликни янада ривожлантиришга оид таклифлар бериш зарурлиги алоҳида қайд этилди.

Қўмитанинг кенгайтирилган йиғилишида муҳокама этилган масала бўйича тегишли қарор қабул қилинди.

 

Ўз мухбиримиз.



DB query error.
Please try later.