Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
17.03.2016

ДАВЛАТ ГРАНТЛАРИ – ДОЛЗАРБ ЛОЙИҲАЛАРГА

Ўзбекистон Республикаси Олий Мажлиси ҳузуридаги Нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш жамоат фонди маблағларини бошқариш бўйича Парламент комиссияси йиғилиши бўлиб ўтди.

Парламент комиссияси раиси А.Саидов ва бошқалар мамлакатимизда фуқаролик жамияти институтларининг мустақиллиги таъминланаётгани, улар фаолияти моддий ва молиявий қўллаб-қувватланаётганини таъкидлади.

2016 йилда нодавлат нотижорат ташкилотлари ва фуқаролик жамиятининг бошқа институтларини қўллаб-қувватлашга 11 миллиард сўм маблағ ажратилди. Бу 2015 йилга нисбатан 10 фоиз кўп демакдир.

Комиссия аъзолари Президентимизнинг шу йил 9 февралдаги қарори билан тасдиқланган “Соғлом она ва бола йили” Давлат дастурида белгиланган вазифаларни амалга оширишда фуқаролик жамияти институтларининг фаол иштирок этишини таъминлашга эътибор қаратди. Бу йўналишда соғлом ва баркамол авлодни тарбиялаш, ёшларнинг иқтидор ва салоҳиятини юзага чиқаришга кўмаклашиш, аҳолининг ҳуқуқий онги ва маданиятини юксалтириш, халқимизнинг маданий меросини оммалаштириш, жамиятда миллатлараро ва конфессиялараро дўстлик ва ҳамжиҳатликни мустаҳкамлашга қаратилган лойиҳалар учун давлат ижтимоий буюртмаси шаклида 2,3 миллиард сўмлик маблағ ажратилди.

Ушбу лойиҳалар доирасида туғма ва ирсий касалликларни аниқлаш, эрта никоҳ ва қариндошлар ўртасидаги никоҳнинг салбий оқибатларидан огоҳлантиришга қаратилган ахборот ва маърифий материаллар, теледастурлар тайёрланади. Кам таъминланган оилаларнинг туғма юрак нуқсони бор фарзандларига, ижтимоий ҳимояга муҳтож болаларга ижтимоий, руҳий-педагогик, ҳуқуқий ва маърифий ёрдам кўрсатиш учун қўшимча шарт-шароит яратилади.

Парламент комиссияси аъзолари ахборот хавфсизлиги соҳасида кадрлар тайёрлаш, иқтидорли ва ташаббускор мутахассисларни қўллаб-қувватлаш ҳамда рағбатлантириш, ахборот хавфсизлигини таъминлаш бўйича миллий тизимни янада ривожлантиришга кўмаклашиш, ёшларнинг интеллектуал ва инновацион салоҳиятини оширишга йўналтирилган лойиҳаларга алоҳида эътибор қаратиш зарурлигини таъкидлади.

        

Н.АБДУРАИМОВА,

ЎзА мухбири



DB query error.
Please try later.