Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
15.03.2016

ЯНГИЧА ДУНЁҚАРАШ БИЛАН

ишласак, яхши натижаларга эришамиз

Бугунги кунда халқ депутатлари Самарқанд вилоят Кенгаши ҳамда туман, шаҳар Кенгашларида партиямиздан сайланган 112 нафар депутат фаолият кўрсатмоқда.

Депутатлар фаолиятининг самарадорлигини ошириш мақсадида вилоят партия кенгаши томонидан қатор ўқув маш­ғулотлари ўтказиляпти. Турли услубий қўлланмалар ишлаб чиқилиб, депутатларга тарқатилмоқда.

Ўтган йили партия гуруҳларининг ташаббуси билан маҳаллий Кенгашлар сессияларида 14 масала муҳокама этилиб, муҳим қарорлар қабул қилинди. Уларнинг 6 таси ЎзХДП Ҳаракат дастурида белгиланган масалалар бўлса, 8 таси партия аъзолари ва электорат манфаатларини ҳимоя қилишга қаратилган масалалардир.

Шу билан бирга, маҳаллий Кенгашларга партиямиздан сайланган депутатлар томонидан турли ташкилотларга 206 депутатлик сўрови юборилиб, уларнинг 90 фоизи ижобий ҳал қи­л­инган. Қолганлари бўйича назорат ўрнатилди.

Албатта, депутат сўрови турли масалаларда бўлиши мумкин. Лекин ҳар қандай сўров муаммо атрофлича ўрганиб чиқилгандан сўнг юборилсагина, кутилган самарани беради. Чунки сўровда масала аниқ ва асосли қўйилган бўлади. Ҳар бир депутат, унга кўмак берадиган партия ташкилоти шунга амал қилса, депутатлик сўровининг таъсир кучи юқори бўлади.

Айтиш керакки, депутатлик сўровларининг асосий қисмини коммунал ­хизмат, газ, электр энергияси, пенсия таъминоти, жамоат транспорти хизматини янада яхшилаш каби масалалар ташкил этди.

Депутатлар сайловчилар билан учрашувлар жараёнида аниқланган масалаларга ҳам алоҳида эътибор қаратмоқда. Мисол учун, вилоят Кенгаши депутати Фарида Ахтамова Дарвешиқ маҳалласида яшовчи фуқаро Лола Кўчибоевани қонуний тарзда ўқишга қайта тиклашда, Иштихон туман Кенгаши депутати Актам Раббимов фермер хўжалиги ишчиларига сиҳатгоҳларга йўлланма олиб бериш масаласида ёрдам кўр­сатди.

Аммо шуниси ҳам борки, депутатларимиз фаолияти барча жойда юқори самара беряпти, деб айтолмаймиз.

Рақамларга эътибор қаратадиган бўлсак, депутатлик сўровлари 2014 йилга нисбатан 3 бараварга кўпайган. Лекин Булун­ғур, Оқдарё, Нарпай, Пахтачи, Ургут туман Кенгашларидаги партия­миз гуруҳи аъзоларининг бу борадаги ишлари замон талабига жавоб бермаяпти. Ушбу туманларда ташкилотларга атиги 2 марта депутатлик сўрови юборилган. Ваҳоланки, мазкур ҳу­дудларнинг ҳар бирида партиямиздан сайланган 7-10 нафар депутат бор. Бу эса жойлардаги муаммоларни бартараф этиш, партия Сайловолди дастурида белгиланган устувор вазифаларни бажаришда имкониятларимиз, салоҳиятимиз етарли эканини кўрсатади.

Бугун ҳаёт ўзгариб, кундан-кунга ол­димизга янги талаблар қўйилмоқда. Ҳар бир инсон, айниқса, депутатлар ҳаётга янгича нигоҳ билан қараши, уни зийрак кузатиши керак. Қайсидир ҳудудда аҳолини ўйлантириб келаётган муаммо бўлса, уни ўз ҳолига ташлаб қўй­маслигимиз зарур. Ҳозирги замонда бундай муносабат билан келишиб бўлмайди. Ҳар бир масалани кузатиб, ҳал этиш чораларини кўр­ган депутат эл назарига тушади, обрў-эътибор қозонади, жамиятга фойдаси тегади.

 

Бўрибой БЎРОНОВ,

ЎзХДП Самарқанд вилоят кенгаши раиси ўринбосари.



DB query error.
Please try later.