Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
15.03.2016

ХАРТЛИ БУТ: «ЎЗБЕКИСТОН ЎЗ ОЛДИГА ҚЎЙГАН БАРЧА СТРАТЕГИК ВАЗИФАЛАРНИ ИЗЧИЛЛИК БИЛАН АМАЛГА ОШИРМОҚДА»

Ўзбекистон Республикаси Президенти ­Ислом Каримовнинг мамлакатимизни 2015 йилда ижтимоий-иқтисодий ривожлантириш якунлари ва 2016 йилга мўлжалланган иқтисодий дастурнинг энг муҳим устувор йўналишларига бағишланган Вазирлар Маҳкамасининг кенгайтирилган мажлисидаги маърузаси Буюк Британия экспертлар ҳамжамиятида ҳам катта қизиқиш уйғотди. Жумладан, «Британия – Ўзбекистон жамияти» раиси давлатимиз раҳбарининг мазкур маърузаси юзасидан ўзининг қуйидаги фикр-мулоҳазаларини баён этди:

—      Ўзбекистон билан яқин ҳамкорлигимиз мавжудлиги боис, кўп йиллардан бери мамлакатнинг замонавий ривожланишидан воқиф бўлиб келмоқдаман. Жаҳонда мураккаб геосиёсий ва иқтисодий жараёнлар кечаётган бўлишига қарамай, Ўзбекистон рақобатбардош ва диверсификациялашган иқтисодиётга асосланган замонавий демократик давлатни барпо этиш йўлидан оғишмай олдинга қараб ҳаракатланмоқда.

Дунёда бундай мақсад йўлида ҳаракат қилаётган мамлакатлар талайгина, бироқ Ўзбекис­тоннинг ўзига хослиги шундаки, кейинги йиллар давомида ижтимоий-иқтисодий ривожланишда салмоқли муваффақиятларни қўлга киритган бўлишига қарамай, мамлакат бу йўналишдаги жараённи изчил давом эттирмоқда.

Сўнгги ўн йил мобайнида Ўзбекистонда иқтисодий ўсишнинг барқарор суръатлари сақланиб келаётгани 2030 йилга бориб мамлакатда ялпи ички маҳсулот ҳажмини камида 2 баробар ошириш имконини беради. Бу глобал иқтисодиёт ривожланиши тамойиллари ҳисобга олинган ҳамда мамлакат ривожланишининг ҳолати ва истиқболлари аниқ-равшан баҳоланган ҳолдаги стратегик режалаштиришдир.

Менимча, Ўзбекистонда ўтган йили давлат раҳбари ташаббуси билан бошланган давлат корхоналарини хусусийлаштириш дастури, шу жумладан, давлат активларини хусусийлаштириш, аввало, чет эллик инвесторларга сотиш вазифалари қўйилгани ўз вақтида ташланган қадамдир. Иқтисодиётнинг айрим тармоқларида давлат иштирокини қисқартириш ва корпоратив бошқарувнинг замонавий тамойилларини қўллаш бозор иқтисодиёти шароитида компанияларнинг рақобатбардошлигини оширишга кўмаклашади.

Яна бир муҳим жиҳат. Ўзбекистонда мулкчилик тизимини тубдан ўзгартириш бўйича ишлар хусусий мулк ҳимоясини кафолатлайдиган ҳамда бизнесни ривожлантириш учун маъмурий тўсиқларни бартараф этиш юзасидан қонунчилик заминини такомиллаштиришдек мажмуавий чора-тадбирлар билан бирга олиб борилмоқда. Шуниси аёнки, республика раҳбарияти тадбиркорлар фаолияти учун қулай шариоитларнинг яратилиши соғлом иқтисодиётнинг гарови ҳамда аҳоли фаровонлигини оширишнинг муҳим омили эканлигини жуда яхши билади.

Кўпгина мамлакатларда ишлаб чиқаришнинг пасайиши ва истеъмолчиликнинг қисқариши кузатилаётган ҳозирги пайтда Ўзбекистон кенг кўламдаги саноат ва инфратузилма қурилишини, жумладан, чет эл сармояси иштирокидаги бунёдкорлик ишларини ишонч билан давом эттирмоқда. 2015 йилда умумий қиймати 7 миллиард 400 миллион доллар бўлган 158 та йирик ишлаб чиқариш объекти қурилиши якунлангани ва фойдаланишга топширилгани мамлакат иқтисодиётининг соғлом эканлигидан далолат беради.

Шу билан бирга, 2015 — 2019 йилларда муҳандислик-коммуникация ва йўл-транспорт инфратузилмасини модернизация қилиш ва ривожлантириш дастури доирасида автомобиль йўлларини қуриш ва реконструкция қилиш, темир йўллар тармоғини янада ривожлантириш бўйича амалга оширилаётган кенг кўламдаги ишлар ҳам катта эътиборга сазовордир.

Мухтасар қилиб айтганда, Ўзбекистон ўз олдига қўйган барча стратегик вазифаларни изчиллик билан амалга оширмоқда.

 

«Жаҳон» АА,

Лондон.



DB query error.
Please try later.