27.02.2016

БИТИРУВЧИ ҚИЗЛАР БИЛАН МУЛОҚОТ

Наманган қурилиш ва дизайн касб-ҳунар коллежида «Она ва бола соғлом, оила бахт­ли бўлса – жамият мустаҳкам бўлади» деб номланган очиқ мулоқот ўтказилди.

Ўзбекистон Халқ демократик партияси Наманган вилояти кенгаши томонидан ташкил этилган тадбирда Президентимиз раҳнамолигида аҳоли саломатлигини мустаҳкамлаш, ёшларни жисмонан соғлом, маънан етук инсонлар этиб тарбиялаш, оналик ва болаликни муҳофаза қилишга қаратилаётган алоҳида эътибор юксак самаралар бераётгани таъкидланди.

— Президентимизнинг жорий йил 9 февралдаги қарори билан тасдиқланган «Соғлом она ва бола йили» Давлат дастурида нафақат давлат идоралари, балки нодавлат ташкилотлар, сиёсий партиялар учун ҳам аниқ вазифалар белгиланган, — дейди Ўзбекистон Халқ демократик партияси Наманган вилояти кенгаши раиси Дилором Абдураҳимова. — Давлатимиз раҳбарининг Конс­титуциямиз қабул қилинганининг 23 йиллиги муносабати билан ўтказилган тантанали маросимдаги маърузасида «Она ва бола соғлом бўлса, оила бахтли, оила бахтли бўлса, жамият мус­таҳкам бўлади», деган ҳаётбахш ғояни амалга оширишга муносиб ҳисса қўшиш барчамизнинг муқаддас вазифамизга айланиши таъкидланган.

Тадбирда партия вилоят кенгашининг «Фаол аёллар» қаноти томонидан битирувчи қизларни ижтимоий-иқтисодий жараёнларга жалб этиш, уларнинг банд­лигини таъминлашга кў­маклашиш борасида кўрилаётган чора-тадбирлар ҳақида сўз юритилди.

— Коллежимиз қошида «Зиёкор талаба» шўъба корхонаси фаолият юритмоқда, — дейди Давлатобод енгил саноат касб-ҳунар коллежи директори Феруза Мелибоева. — Бу ерда коллежимизни битирган 60 дан зиёд қиз иш билан таъминланган. Улар тайёрлаётган 20 дан ортиқ турдаги эркак ва аёллар ки­йимлари харидорларга манзур бўлмоқда.

Вилоят ички ишлар, соғ­лиқни сақлаш, халқ таълими, ўрта махсус, касб-ҳунар таълими бошқармаларининг масъул ходимлари, шифокорлар, психолог-педагогларнинг мавзу бўйича маърузалари тингланди.

 

А.САТТОРОВ,

ЎзА мухбири.



DB query error.
Please try later.