25.02.2016

ГИЁҲВАНДЛИК ИЛЛАТИДАН

ёшларимизни ҳимоя қилишимиз зарур

Бугунги глобаллашув даврида ёшлар онги ва қалбини эгаллашга қаратилган ғоявий хуружлар, таҳдидлар кучайиб бормоқда. Бундай шароитда йигит-қизларни дунёқараши кенг, мустақил фикрлайдиган, иродаси бақувват, турли иллатга қарши тура оладиган инсонлар қилиб тарбиялаш долзарб вазифа саналади. Шундан келиб чиқиб, бу жараёнда сиёсий партиялар ҳам фаол иштирок этмоқда.

Ўзбекистон ХДП Қаш­қадарё вилоят кенгаши ташаббуси билан вилоят ички ишлар бошқармаси, Наркология диспансери, Ёзувчилар уюшмаси, Республика Маънавият тарғибот марказининг вилоят бўлими ҳамкорликда Қарши шаҳридаги енгил саноат ва сервис касб-ҳунар коллежида «Гиёҳвандлик – иллат» мавзусида тадбир ўтказилди.

– Бугунги кунда гиёҳвандликнинг мудҳиш оқибатлари жаҳон жамоатчилигини қаттиқ хавотирга солмоқда, – дейди
Қашқадарё вилоят Наркология диспансери шифокори Ойбек Тўраев
. – Айрим иродаси бўш кишилар, айниқса, ёшлар тўғри йўлдан адашиб, боши берк кўчага кириб қолмоқда. Бу иллат ҳозирги кунда ўз домига аёлларни ҳам тортиб бораётгани ачинарли ҳолатдир. Гиёҳвандликка мубтало бўлганларнинг аввало, оиласига, касбига ёки ўқишига нисбатан қизиқиши йўқолади, бефарқ­лик, лоқайдлик кучаяди. Оддий қилиб айтганда, гиёҳвандлик бу – бевақт ўлим, пулга сотиб олинган ажал, жуда катта моддий ва маънавий фожиа ҳисобланади.

Сўзга чиққанлар «Соғлом она ва бола йили» Давлат дастурида белгиланган вазифалар аҳамиятига эътибор қаратишди. Бу вазифалар ижросига барча бирдек масъул эканини таъкидлашди.

Тиббиёт ходимлари гиёҳвандликнинг зарарли оқибатлари ҳақида ёшларга атрофлича тушунча беришди.

 

Дилбар ШАҲИЕВА



DB query error.
Please try later.