23.02.2016

ЎЗБЕКИСТОН ТУРИНДУСТРИЯСИ

Япониядаги сайёҳлик компанияларини ўзига жалб этмоқда

Японияда фаолият кўрсатадиган JTB Corporation, Hankyu Travel, World Air-Sea Service, Overseas Tour Operators Asso­ciation of Japan (OTOA) ва Япония сайёҳлик агентликлари уюшмаси — (JATA) сингари етакчи сайёҳлик компаниялари ўзларининг веб-саҳифаларида Ўзбекистоннинг бой сайёҳлик салоҳиятига бағишланган мақолаларни эълон қилди.

Мазкур мақолаларда республикамиз сайёҳлик индустриясини янада ривожлантириш учун катта имкониятларга эга эканлиги қайд этилган. Уларда Буюк Ипак йўлидаги Ўзбекис­тоннинг қулай жўғрофий жойлашуви, республикамизнинг турли давр ва цивилизацияларга хос бўлган 7000 дан зиёд ёдгорликларга эга эканлиги ва уларнинг кўпчилиги ЮНЕСКО Бутунжаҳон мероси рўйхатидан жой олгани алоҳида қайд этилган.

«Биргина Шарқ дурдонаси — Самарқанднинг ўзида бугунги кунда бутун жаҳонга машҳур бўлган Ўрта аср Шарқ меъморчилигининг энг гўзал намуналарини ўзида жо қилган Регистон меъморий ансамб­ли, Улуғбек расадхонаси, Бибихоним масжиди, Амир Темур мақбараси сингари кўпгина диққатга сазовор жойлар мавжуд. Бухоро ва Хива ҳам ўзларининг маҳобатли миноралари, масжид ва мадрасалари, савдо гумбазлари ва бозорлари, ҳовузлари ҳамда майдонлари билан меҳмонларни ошуфта қилмоқда.

JTB Corporation ўз ўқувчиларини республикамизда ушбу жабҳани ривожлантиришга қаратилаётган катта эътибор билан атрофлича таништирган. «Президент Ислом Каримовнинг 1992 йил 27 июлдаги Фармонига биноан «Ўзбектуризм» Миллий компанияси ташкил қилинди. Унга давлатнинг ушбу йўналишдаги сиёсатини амалга ошириш, сайёҳликни ривожлантиришнинг миллий моделини шакллантириш вазифаси юкланди. 1999 йили «Сайёҳлик тўғрисида»ги Ўзбекистон Республикаси қонуни қабул қилинди. Бундан кўзланган асосий мақсад меҳмондўстлик индустриясидаги муносабатларни, шунингдек, саёҳатчиларнинг қонуний ҳуқуқларини ҳамда ушбу соҳа субъектларини ҳимоя қилишни ҳуқуқий жиҳатдан тартибга солиш билан изоҳланади», деб ёзади JTB Corporation.

World Air-Sea Service порталида эълон қилинган мақолада эса Ўзбекистонда изчил ривожланаётган замонавий сайёҳлик инфратузилмасига, жаҳон андозаларига жавоб берадиган транспорт тизимига алоҳида эътибор қаратилган. «Тошкент, Самарқанд, Бухоро, Урганч, Фарғона ва Навоийда халқ­аро аэропорт мақомига эга бўлган ҳаво бандаргоҳлари фаолият кўрсатмоқда. «Ўзбекистон ҳаво йўллари» Миллий авиакомпанияси энг замонавий Boeing ва Airbus авиалайнерларига эга бўлиб, Европа, Осиё, Яқин Шарқ ва Шимолий Американинг 50 дан зиёд мамлакатига мунтазам ҳаво қатновларини амалга оширмоқда. Тошкент — Самарқанд ҳамда Тошкент — Қарши шаҳарлари ўртасида
Испаниянинг PATENTES TALGO S.L. компаниясида ишлаб чиқарилган, юқори тезликда ҳаракатланадиган Afrosiyob поездлари қатнамоқда».

Шунингдек, япониялик туроператорлар мамлакатимиз сайёҳликнинг янги турлари, шу жумладан, экотуризм, геотуризм, экстремал, тиббий ва маданий йўналишлардаги сайёҳлик ҳамда альпинизм, рафтинг, балиқ ови йўналишларида ҳам катта ўсишга эришганини ўз ўқувчиларига маълум қилган.

Юқорида номлари тилга олинган манбаларда эътироф этилишича, «буларнинг барчаси республика раҳбарияти томонидан сайёҳлик соҳасида оқилона сиёсат олиб борилаётганидан далолат беради».

 

«Жаҳон» АА,

Токио.



DB query error.
Please try later.