23.02.2016

САВОЛ ВА ЖАВОБ

— Ногирон болаларни тиббий-меҳнат эксперт комиссиялари (TMЭК) кўригидан ўтказиш тартиб-қоидалари ҳақида кенгроқ маълумот берсангиз?

 

Мухлиса ТУРДИАЛИЕВА,

Андижон вилояти.

 

 

Саҳобиддин АРЗИҚУЛОВ, Олий Мажлис Қонунчилик палатасидаги ЎзХДП фракцияси аъзоси:

— Молия вазирлиги ва Соғлиқни сақлаш вазирлигининг 16 ёшгача бўлган ногирон болаларни тиббий-меҳнат эксперт комиссияларида кўрикдан ўтказиш қоидаларини тасдиқлаш тўғрисидаги қарори қабул қилинди. Ушбу ҳужжат Адлия вазирлиги томонидан 2016 йил 16 январда давлат рўйхатидан ўтказилди.

Эндиликда 16 ёшгача бўлган ногирон болалар Молия вазирлиги ҳузуридаги бюджетдан ташқари Пенсия жамғармаси туман (шаҳар) бўлимларининг тегишли йўл­ланмасига асосан туман, туманлараро, шаҳар ва ­ихтисослаштирилган тиббий-меҳнат эксперт комиссиялари томонидан кўрикдан ўтказилади.

ТМЭКда кўрикдан ўтказиш ногирон боланинг ота-онаси ёки бошқа қонуний вакилининг яшаш жойидаги даволаш профилактика муассасаларида тиббий-маслаҳат комиссияси томонидан берилган тиббий хулосанинг асослилигини ўрганиш мақсадида амалга оширилади. Тиббий хулоса ва боланинг ҳужжатлари тиббий-меҳнат эксперт комиссиялари томонидан ўрганиб чиқилгач, ногирон болани кўрикдан ўтказиш ёки кўрикдан ўтказмасдан сиртдан консультатив хулоса чиқариш ҳақида коллегиал қарор қабул қилинади.

Болани ТМЭКдан ўтказиш ҳақида қарор қилинганда, кўрикдан ўтказиш вақти ва санаси кўрсатилган ҳолда талон расмийлаштирилади ва боланинг қонуний вакилига топширилади. Шунингдек, берилган тиббий хулосанинг асослилиги юзасидан тиббий-меҳнат эксперт ко­мис­сия­ларининг консультатив хулосаси чиқарилади.

Кўрикдан ўтказиш ва консультатив хулоса чиқариш тиббий хулоса расмийлаштирилган кундан бошлаб етти иш кунида амалга оширилиши керак.



DB query error.
Please try later.