Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
16.02.2016

ҚОН ДОНОРЛАРИНИ ҚЎЛЛАБ-ҚУВВАТЛАШ

чоралари кучайтирилади

Меҳнат ва ижтимоий масалалар қўмитаси «Қон ва унинг таркибий қисмлари донорлиги тўғрисида»ги қонунга ўзгартиш ва қўшимчалар киритиш ҳақида»ги қонун лойиҳасини назариётчи олимлар, соҳа мутахассислари, экс­пертлар гуруҳи ва нодавлат нотижорат ташкилотлар вакиллари иштирокида муҳокамадан ўтказди.

Тадбир давомида қонун лойиҳаси ҳар томонлама кўриб чиқилди ва уни маромига етказиш, такомиллаштириш бўйича таклиф ва тавсиялар олинди. Соҳада амалга оширилаётган ижобий ишлар, мавжуд муаммолар ҳамда тизимдаги ҳу­қуқий муносабатларни янада такомиллаштириш ва амалда қўллаш масалалари чуқур таҳлил қилинди.

— Қонун лойиҳасига кўра, қон ва унинг таркибий қисмларини топшириш, шунингдек, қонни лаборатория текширувлари учун топшириш тартиби, даврийлиги ва ҳажмини белгилаш Соғлиқни сақлаш вазирлиги ваколатига ўтказилмоқда, — дейди Меҳнат ва ижтимоий масалалар қўмитаси раиси, ЎзХДП фракцияси аъзоси Ёқуб Умаров. — Бундан ташқари, эндиликда «Ўзбекистон Республикаси фахрий донори» кўкрак нишони билан тақдирланган донорларни энг кам иш ҳақининг беш баравари миқдорида бир марталик пул мукофоти билан тақдирлаш кўзда тутилмоқда. Бу эса ихтиёрий донорлик сафининг кенгайишида, беморлар ҳаётини сақлаб қолишда муҳим аҳамият касб этади.

Мутахассисларнинг таъкидлашича, манфаатдор вазирлик ва идоралар билан ҳамкорликда қонунни амалда қўллаш учун зарур бўлган бир қатор қонуности ҳужжатларининг рўйхати ишлаб чиқилган. Шунингдек, ривожланган давлатларнинг соҳага оид қонунчилиги қиёсий таҳлил қилинган.

— Жаҳон соғлиқни сақлаш ташкилоти олинаётган қон ҳажмини ҳар бир ҳолат учун аниқ белгилашни тавсия этади. Лаборатория текширувларини ўтказиш учун белгиланган қон топшириш нормаси етарли эмаслиги сабабли, донор қони хавф­сизлигини таъминлаш мақсадида замонавий текширувлар бир қанча қўшимча йўналишларда (биокимё, иммунология, серология ва иммунофермент таҳлил) олиб борилади, — дейди экспертлар гуруҳи аъзоси, Гематология ва қон қуйиш илмий текшириш институти директори Аълонур Саидов. — Донорлик ҳар бир соғлом одам учун умуминсоний бурчга айланишида тарғибот ишларини кучайтиришимиз керак, деб ўйлайман. Бу жараёнда нафақат тиббиёт ходимлари, балки жамоат, нодавлат ва хайрия ташкилотлари ҳам фаол иштирок этса, мақсадга мувофиқ бўлади.

Тадбирда мутахассислар, назариётчи олимлар ва соҳа вакилларининг қонун лойиҳаси бўйича таклифлари олинди.

 

Ўз мухбиримиз.



DB query error.
Please try later.