11.02.2016

ХОТИН-ҚИЗЛАР УЧУН

муносиб меҳнат шароити

Қорақалпоғистон Республикаси касаба уюшмалари ташкилотлари бирлашмасининг Хотин-қизлар комиссияси томонидан «ELITE STARS TEXTILE», «Қорақалпоқ эле­кт­р­ тармоқлари» ОАЖ, «Ўзбек Телеком» ОАЖ Қорақалпоғистон Республикаси филиалларида хотин-қизлар учун яратилган меҳнат шароитлари ўрганиб чиқилди.

Ўзбекистон касаба уюшмалари Федерацияси Кенгаши матбуот хизмати берган хабарга кўра, «ELITE STARS TEXTILE» корхонасида ишловчи 124 нафар ходимнинг 64 нафарини хотин-қиз ташкил этади. Уларнинг 54 нафари касб-ҳунар коллежини битирган қизлардир.

Корхонада хотин-қизлар учун барча шароитлар яратилган. Кечки сменада ишловчиларга тран­спорт ажратилган. Хотин-қизлар махсус кийим, шахсий ҳимоя воситалари, кунига бир марта бепул овқат билан таъминланган. Мавжуд тиббиёт пунктида уларнинг саломатликлари доимий назорат қилиб борилади.

2 ёшгача бола парвариши таътилида бўлган аёлларга иш берувчи ҳисобидан нафақа пули бериб борилмоқда.

«Қорақалпоқ электр тармоқлари» ОАЖда 241 нафар хотин-қиз фаолият юритиб келмоқда.

Ҳомиладор аёллар тиббий кўрикдан ўтишлари учун, ўртача иш ҳақи сақланган ҳолда ишдан озод этиш имконияти яратилган. Шунингдек, улар кечки сменаларда ишлашдан озод этилган.

Корхона томонидан 2 ёшгача бола парвариши таътилида бўлган 28 нафар аёлга 2015 йилда 69 миллион 581 минг сўм миқдорида нафақа тайинланган. 2 ёшгача фарзанди бор ишловчи аёлларга болани овқатлантириш учун бериладиган танаффуслар иш соатига қўшилиб, ўртача иш ҳақи тўланади.



DB query error.
Please try later.