02.02.2016

КЕЛГУСИДАГИ ВАЗИФАЛАР БЕЛГИЛАБ ОЛИНДИ

Ўзбекистон ХДП Қашқадарё вилоят кенгаши ва халқ депутатлари вилоят Кенгашидаги партия гуруҳининг кенгайтирилган йиғилиши бўлиб ўтди.

Унда партия фаоллари, халқ депутатлари маҳаллий Кенгашларидаги партия гуруҳлари аъзолари, «Фаол аёллар» ва «Истиқбол» ёшлар қанотлари етакчилари иштирок этди.

Тадбирда давлат дастурлари, қонунлар ижроси юзасидан депутатлик ва жамоатчилик назоратини тизимли йўлга қў­йишга алоҳида эътибор қаратилди.

Унда, шунингдек, ёшларнинг сиёсий ва ҳуқуқий билимини юксалтириш, ён-атрофимизда бўлаётган воқеа-ҳодисаларга дахлдорлик ҳиссини шакллантириш, бу борада тарғиботчилар гуруҳининг фаоллигини ошириш бўйича қатор таклифлар билдирилди. Тарғибот гуруҳлари фаолиятини янада такомиллаштириш долзарб масала экани қайд этилди.

Ҳудудий партия кенгашлари ҳамда халқ депутатлари маҳаллий Кенгашларидаги партия гуруҳлари томонидан тиббиёт муассасалари моддий-техник базасини янада мустаҳкамлаш, оилавий поликлиникалар, қишлоқ врачлик пунктлари фаолиятини яхшилаш, уларни малакали мутахассислар билан таъминлаш бўйича амалга оширилаётган ишлар устидан самарали депутатлик ва жамоатчилик назорати ўрнатиш лозимлиги таъкидланди.

Бу масалалар Ўзбекистон ХДП дастурий мақсадларига бевосита ҳамоҳангдир. Партиямиз Сайловолди дастурида аҳоли саломатлигини муҳофаза қилиш, оналар ва болаларга тиббий хизмат кўрсатиш даражасини ошириш бўйича тегишли вазифалар белгиланган.

Йиғилиш қатнашчилари аҳоли, электорат вакилларини ўйлантираётган масалаларни депутатлик гуруҳлари орқали ўрганиш ва тегишли тартибда ҳал этиш борасида ҳам қатор таклифларни илгари сурди.

Йиғилишда билдирилган фикр-мулоҳазалар, таклифлар асосида тегишли чора-тадбирлар режаси ишлаб чиқилди.

 

Музаффар ТУРОПОВ



DB query error.
Please try later.