Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
28.01.2016

ОЛИЙ ХЎЖАЛИК СУДИ

тизимида замонавий технологиялар

Олий хўжалик суди томонидан ўтказилган матбуот анжуманида қонунчиликдаги янгиликлар, судлар фаолиятига ахборот-коммуникация технологияларини жорий этиш борасида олиб борилаётган ишлар, ҳамда халқаро ташкилотлар билан ҳамкорлик лойиҳалари ҳақида сўз юритилди.

Хусусан, тадбиркорликка янада кенг эркинлик бериш, хусусий мулк устуворлигини таъминлаш ва унинг ҳуқуқий муҳофазасини кучайтириш, корхоналарнинг молия-хўжалик фаолиятига давлат ва назорат қилувчи идоралар аралашувини камайтириш бўйича 2015 йилда қабул қилинган қонунлар ва бошқа норматив-ҳуқуқий ҳужжатлар тўғрисида тушунтиришлар берилди.

Таъкидландики, хўжалик судларида ахборот-коммуникация технологияларини кенг жорий этиш такомиллашмоқда ва бу судья масъулиятини, маданиятини оширишга, одил судловни таъминлашга хизмат қилмоқда. Шунинг­дек, суд муҳокамаси иштирокчилари вақтини тежамоқда, ортиқча харажатлар олди олинмоқда. Яъни электрон шаклда даъво аризаларини судга жўнатиш ва суд ҳужжатларини олиш ҳамда суд мажлисида видео­конференц­алоқа тизими ор­қали масофадан қатнашиш имкониятларидан фойдаланилмоқда.

Хўжалик судларининг ахборот технологияларини самарали жорий этиш борасидаги фаолияти юқори баҳоланмоқда. ICTWEEK Uzbekistan 2015 ахборот-коммуникация технологиялари ҳафталиги якунига кўра, Олий хўжалик суди «Ахборот технологияларини жорий этишнинг амалий натижалари учун» номинацияси бўйича ғолиб, деб топилган.

Тадбирда Олий хўжалик суди томонидан халқаро ташкилотлар ҳамкорлигида татбиқ этилаётган лойиҳалар натижаларига ҳам тўхталиб ўтилди.

Хусусан, 2015 йилда АҚШ Халқ­аро тараққиёт агентлиги (USAID) ва БМТ Тараққиёт дас­турининг «Ўзбекистонда қонун устуворлиги йўлида ҳамкорлик» қўшма лойиҳаси томонидан Олий хўжалик суди ва Тошкент вилоят хўжалик судининг учта суд залига суд муҳокамасини аудио-видеода қайд этиш имконини берувчи техник ускуналар ўрнатилди.

Бундай тизимнинг жорий этилиши хўжалик процессини соддалаштириш, суд иш юритувини автоматлаштириш, пировардида, хўжалик процессининг самарадорлиги ва очиқлигини таъминлаш имконини беради. Суд муҳокамаларининг аудио-видеода қайд этилиши истиқболда суд мажлиси баённомасини қоғоз шаклида тузиш заруратини туғдирмайди.

Матбуот анжумани доирасида суд муҳокамасини аудио-видео қайд этиш тизими ўрнатилган кассация инстанцияси судининг янги залига ташриф уюштирилди.

Шунингдек, Олий хўжалик суди ҳамда Европада Хавфсизлик ва Ҳамкорлик Ташкилотининг Ўзбекистондаги лойиҳалари Координатори ҳамкорлигида амалга оширилган ишлар натижалари, келгуси режалар ҳақида маълумот берилди.

 

Равшан ШОДИЕВ,

«Ўзбекистон овози» мухбири.



DB query error.
Please try later.