Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
07.01.2016

ДЕПУТАТЛАРИМИЗ ЁРДАМИДА

Ўзбекистон ХДП ташкилотлари қошида фаолият юритаётган жамоатчилик қабулхоналари юртдошларимизнинг оғирини енгил, мушкулини осон қилиш мақсадида ташкил этилган. Бугун депутатлар, партия фаоллари ва ҳамкор ташкилотлар вакиллари одамларни ўйлантираётган масалаларни ҳал этишга бош-қош бўляпти. Бу эса фуқароларнинг партияга ишончини тобора мустаҳкамлаб бормоқда.

— Яқинда қўшним билан гаплашиб қолдим. Унинг айтишига қараганда, коллежни тамомлаган қизи Жамоатчилик қабулхонасига мурожаат қилгач, иш жойи­га эга бўлибди, — дейди Нурмуҳаммад Абдураимов. — Шундан сўнг мен ҳам ЎзХДП Иштихон туман кенгаши қошидаги Жамоатчилик қабулхонасига маслаҳат олиш учун бордим. У ерда одам гавжум эди. Аввалига ийманиб, бир четда кузатиб турдим. Ҳамма ҳар хил савол билан мурожаат қилар ва мутасаддилардан тегишли жавоб оларди.

Шунда бир аёл менга мурожаат қилиб, нима мақсадда келганимни сўради. У туман партия кенгаши раиси Лола Булакова эди. Истиҳола билан янги ногиронлик аравачасига эҳтиёжим борлигини айтдим. Керакли маълумотлар ёзиб олингач, депутат Бахтиёр Қўчқоровга вазифа юклатилди. Вилоят касаба уюшмалари бирлашмаси ҳомийлигида талабим қондирилди. Мен бундан жуда ҳам хурсанд бўлдим.

Андижонлик Майрамхон Исмоилова ҳам ЎзХДПдан миннатдор эканини айтди.

— Фарзандимиз икки томонлама кокса артироз бектерив касаллиги билан оғриганди, — деди у. — Кимдан ёрдам сўрашни билмай, бошимиз қотган эди. Маҳаллий телеканал орқали депутатларимиз, партия аъзолари томонидан амалга оширилаётган хайрли ишлар ҳақида кўрсатув берилди. Чиқмаган жондан умид, деб мен ҳам вилоят партия кенгаши раиси Абдулҳамид Нурматовнинг олдига бордим. У эса Жамоатчилик қабулхонасига мурожаат қилиш орқали масалани ҳал этиш таклифини айт­ди.

Буни қарангки, мен айнан қабул кунида борибман. Депутатимиз кўмагида «Маҳалла» хайрия жамоат фонди раҳбарига ёзма мурожаат қилдим. Фонд томонидан фарзандимнинг муолажаси учун маблағ ажратилди. Боламни даволатдим. Менга кўмак берганларга раҳмат.

Музрабод туманида истиқомат қилувчи Шаҳбоз Норбоев анчадан бери ўз ишини бошлашни, оиласига, ота-онасига наф келтиришни ният қилиб юрганди. Шунинг учун чорвачилик билан шуғулланиш истагида банкдан кредит олмоқчи бўлди. Унга фақат озгина туртки, кўмак керак эди...

— Кўпдан буён ЎзХДП Жамоатчилик қабулхонаси ўз ишини очмоқчи бўлаётган ёшларни қўллаб-қувватлаётгани ҳақида эшитиб юрар эдим. Шу боис қабулхонага мурожаат қилсам, ишим осон кечишини тушундим, — дейди у. — Адашмаган эканман. Депутатларимиз бор бўлишсин. Уларнинг ҳуқуқий маслаҳати, ёрдами билан тез орада «Микрокредитбанк» туман бўлими томонидан кредит ажратилди. Унга қорамол сотиб олдим. Насиб бўлса, чорвачиликни янада кенгайтириб, иш ўринлари ташкил қилиш режаларим бор. Ҳа айтганча, иш бошлашимга яқиндан ёрдам берган партияга ишончим ортди. Унга аъзо бўлишни мақсад қилдим.

 

Зилола УБАЙДУЛЛАЕВА,

«Ўзбекистон овози» мухбири.



DB query error.
Please try later.