Охирги сонда



Кўп ўқилган мақолалар



Долзарб мавзу



Мақолалар архиви

«    Sentabr 2019   
Du Se Cho Pa Ju Sha Ya
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 1 2 3 4 5 6
05.01.2016

БУГУНГИ БОЛАЛАРГА ҲАВАСИМ КЕЛАДИ

Нуриддин ЗОИРОВ, Бекобод шаҳар «Сирдарё» маҳалла фуқаролар йиғини раиси, ЎзХДП аъзоси:

— Президентимизнинг халқимизга йўллаган Янги йил табригида билдирилган фикрлар ҳар биримизни ўт­ган йилда эришган ютуқларимизни яна бир марта чуқурроқ таҳлил қилиб, хулоса чиқариб олишга даъват этди.

Кейинги 11 йил давомида мамлакатимиз иқтисодиёти жаҳондаги камдан-кам давлатлар қаторида барқарор суръатлар билан ривож­ланаётгани, шу жумладан, 2015 йилда ҳам ялпи ички маҳсулотимизнинг ўсиши 8 фоиздан кам бўлмаганининг ўзи, ҳақиқатан ҳам, тарихий бир воқеадир, деди давлатимиз раҳбари.

Бу рақамлар юртимиз йилдан-йилга изчил юксалиб, тараққий этиб, одамларимиз ҳаёти кундан-кун фаровонлашиб бораётганини кўрсатади.

Табрикда катта ишонч билан ҳаётга кириб келаётган азиз фарзандларимизни жисмоний ва маънавий жиҳатдан етук ва баркамол инсонлар этиб тарбиялаш борасида амалга ошираётган дастурларимиз биз олдимизга қўйган буюк мақсадларга жавоб беришига ишончимиз мустаҳкам бўлиши зарурлиги алоҳида таъкидланди.

Дарҳақиқат, соғлом фарзанд тарбияси улуғвор мақсадларимиз асосини ташкил этади ва биз бу йўлда ҳеч нимани аямаймиз.

Яқинда маҳалламизда «Ёшлик» спорт мажмуаси фаолият юрита бошлади. Болаликдан чиниқсин, бўш вақти мазмунли ўтсин, деб 8 ёшли неварамни у ерга олиб бордим. Тўғриси, яратилган ша­роитни кўриб ҳайратландим. Кўнглим тоғдай кўтарилди. Жондан азиз фарзандларимиз учун яратиб берилган шароитлардан бошим осмонга етди. Ёшларга ҳавасим келди.

Биз ёш бўлган пайтларда мактабда ҳам, яқин атрофдаги қишлоқларда ҳам спорт иншооти йўқ эди. Кузда ёки қишда ернинг экиндан бўшаши биз учун байрам эди. Уйдаги эски матолардан қўлбола тўп ясаб, ўртоқларим билан катта далада футбол ўйнардик. Байрамларда катталар уюштирадиган кураш томошасидан руҳланиб, ҳовлимизда ўт-ўлан устида 5-6 бола йиғилишиб, кураш тушардик. Бугунги замонни қаранг. Йигит-қизларимиз учун спорт иншоотида яратиб берилган шароитларни кўриб, тўғриси, бола бўлиб қолгим келди.

Шулар ҳақида ўйлаб уйга қайтдим. Неварам ҳар куни мактабдан сўнг машғулотга ошиқади. Буни кўриб, менинг ҳам қувончимга қувонч қўшилади. Келажагимиз, эртамиздан кўнглим хотиржам бўлади.

2016 йилда давлат бюджетида илму фан, таълим-тарбия, соғлиқни сақлаш, маданият, спорт тармоқларини ўзида мужассам этган ижтимоий соҳани ривожлантиришга сарфланадиган маблағлар 2015 йилда ўзлаштирилган маблағларга нисбатан анча кўпроқ бўлиб, давлат бюджети умумий харажатларининг 59,1 фоизини ташкил этади. Демак, бу йил ёш авлодга қаратилаётган эътибор, ғамхўрлик кўлами янада ортади. Фарзандларимиз, невараларимиз учун янги имкониятлар ишга солинади, янада қулай шароитлар яратилади.

«Сирдарё» маҳалла фуқаролар йиғинидаги ҳудудий партия ташкилоти етакчисиман. Бошланган янги йилимиздаги режа ва мақсадларни кўриб, партия фаоли сифатида ҳам қу­вондим. Ижтимоий соҳага йўналтириладиган маблағлар миқдорининг ошиши электоратимиз манфаат­лари ҳимоясида муҳим ­аҳа­мият касб этади, деб ўйлайман.

Ўз навбатида партия ­фаоли сифатида биздан мазкур ислоҳотлар самарадорлигини таъминлашда алоҳида жонбозлик кўрсатиш талаб этилади.


Фикр ва мулохазалар

Защита от автоматических сообщений

Сўнгги янгиликлар: