Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
29.12.2015

БАЙРАМ САВДО ЯРМАРКАЛАРИ:

маҳсулотлар сифатли, нархи арзон

Янги йил байрами арафасида юртимизнинг тадбиркору фермерлари пойтахт аҳолиси учун ўзига хос совға ҳозирлаши анъанага айланган.

Пойтахтимиздаги бозорларда бай­рам­олди савдо ярмаркалари давом этмоқда. «Ўзулгуржисавдоинвест» ва Озиқ-овқат саноати корхоналари уюшмаси тизимидаги ташкилотлар томонидан аҳолига маҳсулотларни мақбул нархларда етказиб бериш, банк пластик карточкалари орқали савдо қилиш кўламини кенгайтириш, харидорларга ҳар томонлама қулайлик яратиб беришга алоҳида эътибор қаратилмоқда.

Шу кунларда пойтахтимизнинг бош­қа бозорларида бўлгани сингари «Миробод деҳ­қон бозори»даги ярмаркада ҳам харидорлар гавжум.

— Қишлоқ хўжалиги ва озиқ-ов­қат маҳсулотлари ярмаркаси пойтахт аҳолиси ҳамда меҳмонларига манзур бўлмоқда, — дейди бозор бош мутахассиси Абдуҳалил Миррасулов. — Ярмаркада Тошкент ва Сирдарё вилоятлари фермерлари боғдорчилик, Хоразм вилоя­ти деҳ­қонлари эса гуруч, Қашқадарё вилоя­ти фермерлари гўшт маҳсулотлари билан қатнашмоқда. Шунингдек, ишлаб чиқарувчи корхоналар байрам дастурхони учун тайёр маҳсулотларни тақдим этмоқда. Пойтахтимизда истиқомат қилаётган аҳоли ярмаркада озиқ-овқат маҳсулотларини 30 фоизгача чегирмалар билан харид қилиши мумкин.

— Корхонамизда 10 турдан ортиқ қандолат маҳсулотлари ишлаб чиқарилади, — дейди «Mavis Global» масъулияти чекланган жамияти вакили Фотима Раҳматуллаева. — Ярмарка бошланганидан буён байрам дастурхони учун 2 тоннага яқин қандолат маҳсулотлари етказиб бердик. Яна 5 тонна ширинликлар сотишни режалаштирганмиз.

— Рўзғор учун зарур бўладиган маҳсулотларни шу ердан олмоқдамиз, — дейди талаба Музаффар Ўринов. — Бугун ярмаркадан гўшт, тухум, картошка ва пиёз харид қилдим. Уларнинг сифати юқори, нархи ҳам нисбатан арзон. Янги йил байрами арафасида яратилган бундай қулайликдан миннатдормиз.

Айни вақтда Қорақалпоғистон Республикаси ва вилоятлардаги шаҳар ва туман марказларида ҳам озиқ-овқат ва қишлоқ хўжалиги маҳсулотлари байрамолди савдо ярмаркалари бўлиб ўтмоқда.

Мазкур савдо ярмаркалари 2016 йил 5 январгача давом этади.

 

Наврўз ШОДМОНҚУЛОВ,

«Ўзбекистон овози» мухбири.



DB query error.
Please try later.