Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
29.12.2015

ЯНГИ ЙИЛ ТОМОШАЛАРИГА

қизғин ҳозирлик кўрилмоқда

25 декабрдан 10 январга қадар республикамиздаги барча театрлар турли сар­гузашт­лар, Қорбобо ва Қорқиз иштирокидаги эртаклар асосида театрлашган томошалар, эртак спектаклларини намойиш этади. Бу ҳақда Маданият ва спорт ишлари вазирлиги матбуот хизмати хабар бермоқда.

Ўзбек Миллий академик драма театрида «Ўрмон сири» номли эртак-спектакль саҳналаштирилган бўлиб, байрам кунлари томошабинлар ҳукмига ҳавола этилади.

Алишер Навоий номидаги Ўзбекистон давлат академик катта театри ижодкорлари ҳам болалар учун махсус туҳфа ҳозирлаган. Бу даргоҳда «Мегабайтли янги йил эртаги» мусиқий томошаси ўзбек ва рус тилларида намойиш этилади.

Муқимий номидаги ўзбек давлат мусиқий театри ижодкорлари томонидан янги йилда болажонларга «Қорқизнинг саргузаштлари» номли томоша тайёрланди.

Ўзбекистон Ёшлар театри «Приключение фунтика», «Волшебная лампа Аладдина», «Белоснежка и семь гномов» каби саргузаштга бой эртак-спектаклларни тақдим этишни режалаштирмоқда.

Ўзбек давлат драма театрида «Сохта Қорқиз» номли томоша тайёрланган. Унда машҳур эртак қаҳрамонлари билан биргаликда болажонларнинг ўзлари ҳам фаол иштирок этади ва эртаклар оламида янги йилни кутиб олади.

Республика ёш томошабинлар театри байрам кунлари «Оп­поғой», «Мадагаскар», «Ғаройиб воқеа», «Тук-тук, ким у?» номли ажойиб спектаклларни ўзбек ва рус тилларида ёш томошабинларга ҳавола этади.

Республика Қўғирчоқ театрида эса «Янги йил мўъжизаси» номли театр­лашган томоша намойиш этилади.

Пойтахтимизнинг бош майдони бўлмиш Мустақиллик майдонида Ўзбек Миллий академик драма театри ижодкорлари томонидан «Янги йил совғаси» номли театрлаш­тирилган томоша намойиш этилади.



DB query error.
Please try later.