Охирги сонда



Кўп ўқилган мақолалар



Долзарб мавзу



Мақолалар архиви

«    May 2020   
Du Se Cho Pa Ju Sha Ya
27 28 29 30 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
26.12.2015

ҲАРБИЙ ХИЗМАТ — ОЛИЙ ШАРАФ

Президентимизнинг 2015 йил 9 декабрдаги «Ватан ҳимоячилари кунига тайёргарлик кўриш ва уни нишонлаш тўғрисида»ги Фармойиши асосида юртимиз бўйлаб «Таянчим ва суянчим, фахру ифтихоримсан, муқаддас Ватан!» шиори остида Ватан ҳимоячилари кунига бағишланган маънавий-маърифий, маданий тадбирлар ўтказилмоқда.

Шу муносабат билан Мудофаа вазирлиги ва вазирлик ҳузуридаги Жамоатчилик кенгаши томонидан «Миллий армиямиз — ҳарбий хизматчиларнинг мардлик ва матонат фазилатларини тарбиялаш, Ватанга садоқат билан хизмат қилиш мактабидир» мавзуида матбуот анжумани ташкил этилди.

Дунёда касблар жуда кўп, аммо киндик қонинг томган Ватанингни ҳимоя қилишдан ортиқ шараф йўқ. Ватан — бу инсонга ато этилган энг қутлуғ неъмат, табаррук гўша, муқаддас тупроқдир.

Бугун Қуролли Кучларимиз сафида хизмат қилиш, Ватан ҳимоячиси деган номга муяссар бўлиш ҳар бир йигит учун нафақат конституциявий бурч, балки юксак шон-шараф ишига айланди. Ҳарбий хизматни Ватани, халқи олдидаги муқаддас бурч, шарафли вазифа, деб биладиган ёшлар миллий армиямиз сафидан муносиб ўрин эгалламоқда. Истиқлол фарзандлари — билимли, мустақил фикрлайдиган, дунёқараши кенг, мард ва соғлом ўғлонлар миллий армиямиз сафларида хизмат қилаётгани ҳаётимиз осойишталиги, осмонимиз мусаффолиги ишончли қўлларда эканидан далолатдир.

Матбуот анжуманида таъкидландики, мамлакатимизда белгиланган тадбирларни юқори савияда ўтказиш учун кенг кўламли тадбир режа ишлаб чиқилган. Ватан ҳимоячилари кунига бағишланган тадбирлар Жамоатчилик кенгаши аъзолари, таниқли фан арбоблари, ижодкорлар, зиёлилар, маданият, спорт соҳаси вакилларидан иборат тарғибот-ташвиқот ҳамда ижодий гуруҳлар томонидан ташкил этилади. Ҳарбий қисм ва муассасаларга, юрт тинчлигини сақлаш йўлида фидо­йилик намуналарини кўрсатаётган, юксак давлат мукофотларига сазовор бўлган ҳарбий хизматчиларнинг маҳаллалар, корхоналар ва таълим муассасаларига ташрифлари уюштирилади.

Матбуот анжуманида ўсиб келаётган ёш авлод қалбида миллий армиямизга нисбатан фахр-ифтихор туйғуларини янада ошириш масаласига ҳам алоҳида эътибор қаратилди. Оммавий ахборот воситалари ходимлари Мудофаа вазирлиги қўшинларида амалга оширилаётган ислоҳотлар, янгиланишлар ҳақида ҳам батафсил маълумотларга эга бўлди.

 

Равшан ШОДИЕВ,

«Ўзбекистон овози» мухбири.


Фикр ва мулохазалар

Защита от автоматических сообщений

Сўнгги янгиликлар: